မြို့ပြမိန်းမတစ်ယောက်နဲ့ အချစ်အကြောင်းစကားစမြည်

ဆာလောင်မွတ်သိပ်နေတဲ့ မျက်လုံးတွေနဲ့

အောက်တန်းကျတဲ့ ဓားသွားတွေနဲ့

ရန်ကုန်မြို့ ကြီးဟာ

ရှင်ခဏခဏဆိုနေကျ သီချင်းထဲကလို

“ ဘဝသံသရာ…..”

တကယ်လို့

ရန်ကုန်မြို့ ကြီးဟာ ဝင်္ကပါဆိုရင်

ကျွန်မတို့ဟာ ဝင်္ကပါထဲက ကြွက်ဖြူလေးတွေပေါ့

အသားတစ်တုံးမရမချင်း

မြို့ ပြရဲ့ လမ်းမတွေမှာ

သူ့အသက် ကိုယ့်အသက်လုလို့

ကျွန်မတို့ ပြေးလွှားနေကြရဦးမှာပေါ့

အဲဒီလို မရေရာတဲ့ ဘဝကို

ကျွန်မ

ပုံမှန်အတိုင်း ဖြတ်သန်းနေပါတယ်

တက္ကသိုလ်က ဘွဲ့တစ်ခုရထားတယ်

သင်တန်းတော်တော်များများ တက်ထားတယ်

ကျွန်မရတဲ့ လခက

ကျွန်မ ဖိနပ်တစ်ရံဖိုးတောင် မရှိချင်ဘူး

ကျွန်မမက်တဲ့ အိပ်မက်တွေကလည်း

ကျွန်မညနဲ့တောင် သိပ်မဆန့်ချင်ဘူး

ဘာပဲပြောပြော

ကျွန်မပျော်ရွှင်စွာ နေထိုင်နေပါတယ်

အားတဲ့အခါ တစ်ခြားမိန်းမတွေလိုပဲ

ကျွန်မလည်း Chatting ဝင်တယ်

Chat room ထဲမှာ Nickname တစ်ခုရှိရင်

ချစ်ခြင်းမေတ္တာ ၊ သစ္စာတရားဆိုတာ ရေလဲသုံးဖို့ပဲ

ဘဲအလန်းဇယားလေးတွေဆိုရင်

Web cam ကတဆင့် အီလိုက်မှာပဲ

ကျေးဇူးပြုပြီး

ချစ်ခြင်းမေတ္တာအကြောင်း ကျွန်မရှေ့ မှာ အသံလာလာထွက်မပြပါနဲ့

ရှင်ဒီလောက်ယုံကြည်ရအောင်

ချစ်ခြင်းမေတ္တာဆိုတာ ဘုရားသခင်မဟုတ်ဘူး

ခုတစ်လော

ကျွန်မဆံပင်တွေ နှစ်ခွဖြစ်နေတာလောက်

သစ္စာတရားဟာ စိတ်ဝင်စားစရာမကောင်းဘူး

ရှင်မကြာခဏပြောပြောနေတဲ့

Platonic Love ဆိုတာကလည်း ကျန်ခဲ့ပြီ

ရှင်သိထားဖို့က ရှင့်ဆီမှာ

ကားပါရင် လန်းမယ်

လက်ကိုင်ဖုန်းရှိရင် ချစ်ခြင်းမေတ္တာဆီ ဖုန်းဆက်ရတာ

အဆင်ပြေမယ် ၊ လွယ်ကူမယ်

အရာရာဟာ ခေတ်ကာလက တောင်းဆိုတဲ့အတိုင်း

အရာရာဟာ

ခေတ်ပြိုင်လူ့အဖွဲ့အစည်းရဲ့ ရိုက်ခတ်မှုအတိုင်း

ဘာ

ကောင်းကောင်းနေဖို့

ဟုတ်လား

ကျွန်မမျက်စိထဲမှာ ရှင်ဟာ စိတ်ကူးယဉ်ဝါဒနဲ့ ပြုပြင်ရေးသမားပဲ

ရှင်မက်နေတာ

ကျွန်မအဖိုးတို့ခေတ်က အိပ်မက်အဟောင်းအမြင်းကြီးပဲ

ရှင်သိထားဖို့က

မိန်းမမာယာတို့ ဘာတို့ဆိုတာ

ဇာတ်တော်ထဲမှာ ကျန်ခဲ့ပြီ

မိန်းမတို့ ဣနြေ္ဒဆိုတာ

အရှိန်ပြင်းပြင်းမောင်းသွားတဲ့ လင်ခရုဇာပေါ်ပါသွားပြီ

ကျေးဇူးပြုပြီး

ရှင့်စကားလုံးတွေနဲ့ ကျွန်မသိက္ခာကို ဖြတ်ဖြတ်မရိုက်ပါနဲ့တော့

ကျေးဇူးပြုပြီး

ကျွန်မနေမှုဘဝထဲ ခေတ်မစားတော့တဲ့ ရှင့်အတွေးအခေါ်တွေနဲ့

မီးလို လာလာမတောက်ပါနဲ့တော့

ရှင်ပြောပြောနေတဲ့

ဗာစကို ပိုပါတို့

မီရောစလဗ် ဟောလုဗ်တို့ကို ကျွန်မမသိပါဘူး

ရှင်ပြောပြောနေတဲ့

မောင်ချောနွယ်တို့

ဖော်ဝေးတို့ကိုလည်း ကျွန်မမသိပါဘူး

ကျွန်မသိတာ

Triumph

Wacoal

L’Oreal

Camella

ပြီးတော့ ကျွန်မသိတာ

ကမ္ဘာမြေကနေ

သစ်တောတွေ တစ်ရွေ့ ရွေ့ ဆုတ်ခွါနေကြပြီ

ယဉ်ကျေးမှုချင်း တိုးတိုက်မိကုန်ပြီ

ကျွန်မတို့ မြင်နေရတဲ့ ကမ္ဘာဟာ အသစ်အသစ်ပဲ

လိုက်လျောညီထွေ မဖြစ်ရင်

မြို့ပြဟာ ရှင်တို့ ကျွန်မတို့ကို ဝါးမြိုသွားမှာပဲ

ဒီတော့

ရှင်ပြောပြောနေတဲ့

Prose Poetry တို့

Deconstruction တို့

Dadaism တို့ကို ကျွန်မ မသိဘူး

ဟုတ်တယ်

ရှင့်ရဲ့ ကဗျာအနုပညာနဲ့ ပတ်သတ်ရင်

ဘာဆိုဘာမှ ကျွန်မ မသိဘူး

သိလည်း မသိချင်ဘူး

ဒါပေမယ့် လွယ်ပါတယ်

ဆယ်ခါတစ်ခါပေါ့

သိချင်တဲ့အခါ လိုအပ်လာတဲ့ အခါကျတော့လည်း

Google ဖြစ်ဖြစ်

Yahoo ဖြစ်ဖြစ်

Alltheweb ဖြစ်ဖြစ်

ကြိုက်တဲ့ Search Engine နဲ့ရှာကြည့်လိုက်ရုံပေါ့

ပြီးတော့ ကြုံတုန်းပြောရဦးမယ်

ကျေးဇူးပြု၍ ကျွန်မအကြောင်းတွေ

ရှင့်ကဗျာထဲ ထည့်ထည့်မရေးပါနဲ့

ရှင်သစ္စာတိုင်ရအောင်

ကျွန်မက ရာဇဓာတုကလျာ မဟုတ်ဘူး

ကျွန်မက ရှင်နှောင်းလည်း မဟုတ်ဘူး

ရှင်ပြောပြောနေတဲ့ ညီမလေးမမမြင့် ဆိုတာလည်း ကျွန်မ မသိပါဘူး

ဒါပေမယ့်

နာတာလီကိုတော့ ကျွန်မ သဘောကျတယ်

ဘယ်လိုလဲ

ရှင်ရော ပွတ်ရှကင်လို သေနတ်ချင်းယှဉ်ပစ်ချင်သေးလား

သစ္စာမဲ့မှုလက်အစုံနဲ့

ရှင့်ပါးကို ခပ်ပြင်းပြင်း ဖြတ်ရိုက်ခံရရင်

ရှင်ဘယ်လိုတုံ့ပြန်မလဲ

ကျွန်မ သိချင်သေးတယ်

ရှင်ရယ်….

မြို့ပြဘဝအခင်းအကျင်းမှာ

ခေတ်ပြိုင်လူ့အဖွဲ့အစည်းမှာ

လိုအပ်ချက်အရ ကျွန်မလည်း Ezee 2 ကို သိရတယ်

Safety Period ကို သိရတယ်

ဒါကို ရှင်အထင်မသေးပါနဲ့

ကျွန်မသိတာ တစ်ချက်အကွက်ရွှေ့ မှားရင်

အစားခံရဖို့ပဲ

ချစ်ခြင်းမေတ္တာဆိုတာ

ကျွန်မ မယုံကြည်ရဆုံးစစ်မျက်နှာပဲ

ရှင်လည်း

ကျန်းမာအောင်နေပါ

ပျော်ရွှင်စွာ နေထိုင်ပါ

ကဗျာတွေချည်း ဖိရေးမနေနဲ့

အရက်တွေချည်း ဖိသောက်မနေနဲ့

ရှင်လည်း ရှင့်ဘဝနဲ့ရှင်

ကျွန်မလည်း ကျွန်မဘဝနဲ့ ကျွန်မ

ဘာကို စိတ်ကူးယဉ်ဆန်နေဦးမလဲ

ပြီးတော့ ရှင်သိထားဖို့

ကျွန်မပြောမယ်

ဘဝဆိုတာ

ရှေ့ တစ်လှမ်းမတိုးရင် နောက်ဆုတ်တာပဲ

ချစ်ခြင်းမေတ္တာဆိုတာ

နေ့စဉ်ဘဝ Program ကို ဖျက်ဆီးပစ်မယ့် Spyware ပဲ

ဒီတော့

ရှင်နဲ့ ကျွန်မ ဘယ်လိုရှေ့ ဆက်မလဲ။ ။

Poet's Choice By Eain Dra

Poet's Choice By Myat Wai
ဒီကဏ္ဍလေးရဲ့ နောက်ထပ်စာမူရှင်ကတော့ လက်ရှိ မဂ္ဂဇင်းစာမျက်နှာများပေါ်မှာရော၊ ဘလော့စာမျက်နှာများပေါ်မှာပါ မော်ဒန်ကဗျာများအား အစဉ်တစ်စိုက်ရေးဖွဲ့နေသူ ကဗျာမ အိန္ဒြာ ဖြစ်ပါတယ်။ အိန္ဒြာ....... ဘလော့လေးကိုရေးသားဖန်တီးနေတဲ့ ဘလော့ဖန်တီးရှင်လည်းဖြစ်ပါတယ်။ကဗျာဆရာမ အိန္ဒြာရေးပြီးကဗျာဆရာအကြိုက်ဖြစ်တဲ့ကဗျာလေးတစ်ပုဒ်ကို ကဗျာဆရာမ အိန္ဒြာ က ဘယ်လိုအချိန်၊ဘယ်လိုပတ်ဝန်းကျင်၊ဘယ်လိုခံစားချက်တွေနဲ့ရေးဖွဲ့ဖန်တီးဖြစ်ခဲ့ကြောင်းကို အပြည့်အစုံမဟုတ်တောင်
အနီးစပ်ဆုံး ချဉ်းကပ်ခံစားဖတ်ရှုနိုင်စေရန် ရည်ရွယ်တင်ဆက်ခြင်းမျှသာ ဖြစ်ပါတယ်။ ကဗျာဆရာများရွေးချယ်ခြင်းကတော့
ဒီဘလော့လေးကို ရေးသားတင်ဆက်သော ကျွန်တော် အောင်ပိုင်စိုး၏ တစ်ကိုယ်ရည်စိတ်ခံစားချက်သာဖြစ်ပါကြောင်း ပြောကြားလိုပါတယ်။
နောက်ထပ် ကဗျာဆရာများရဲ့ ရွေးချယ်ကြိုက်နှစ်သက်သော စာမူများကိုလည်း ဆက်ကာဆက်ကာ ဖော်ပြပေးသွားမည်ဖြစ်ကြောင်း
ဘလော့ဂါများ၊ကဗျာဆရာများ၊ ဘလော့စာဖတ်ပရိသတ်များအားအသိပေးအပ်ပါသည်ခင်ဗျား...။
သည်ကဗျာဆရာအကြိုက်(Poet's Choice)ကဏ္ဍလေးဖြစ်ပေါ်လာစေရန် စာမူပေးပို့ပေးသော ကဗျာဆရာမ အိန္ဒြာ အားကျေးဇူးအထူးတင်ရှိပါကြောင်း သည်ဘလော့စာမျက်နှာလေးမှတစ်ဆင့်ပြောကြားအပ်ပါသည်။

ဘားတော့ဗရက်နဲ့ စကားစမြည်

အခုတလော
ရှင့်ကဗျာတွေပဲ ဖတ်ဖြစ်နေတယ် ဗရက်ရေ
ကဗျာနဲ့ တရှိန်ရှိန်လောင်နေတဲ့ ကျွန်မစိတ်တွေမှာ
သွေးထွက်သံယိုမှုတွေများလှပေါ့

ဗရက်ရေ...
ရှင်ဟာ ရှင့်ဆာလောင်မှုတွေကို
စကြ်ာဝဠာတစ်တိုက်လုံးပဲ့တင်ရိုက်ခတ်အောင်
သောင်းသောင်းဖျဖျကြွေးကျော်ရဲသူပါ

ဗရက်ရေ..
ရှင်ဟာ
ကြောက်ခမန်းလိလိ စာသားအစီးအဆင်းတွေနဲ့
ရှင့်အသွေး ရှင့်ဝိညာဉ်တွေကို ကိုယ်ထင်ပြနိုင်ခဲ့သူပါ

ရှင်ဟာ..
ဂျာမဏီပြည်ရဲ့မျက်နှာစာကို
ကလောင်နဲ့ အနုစိပ်ချယ်မှုန်းပြခဲ့သူ

ရှင်ဟာ..
ဂျာမဏီပြည်ရဲ့မိုးကောင်းကင်မှာ
ကဗျာနဲ့ မိုးကျိုး ထစ်ပြနိုင်ခဲ့သူ

ရှင်ဟာ ရှင့်ကဗျာတွေဟာ၊
ဂျာမန်ပြည်သူတွေရဲ့လက်ဖျံရိုးပေါ်က
သွေးကြောမ လုံးလုံးဖြစ်ပေရဲ့

ဗရက်ရေ..
ရှင်က
ရှင့် ကလောင်ထိပ်ဖျားမှာ
ရှင့် သစ္စာတရားကို
ရှင် သွားလေရာ သယ်ဆောင်ခဲ့သူပေါ့

ချစ်သူကိုတောင် ဥပက္ခာစိတ်နဲ့တစ်ဝက်ပဲချစ်လို့ရတဲ့ခေတ်မှာ
မုန်းသူတွေ မိုးနှင်းလို မစဲတော့ဘူးပေါ့
ဗရက်ရေ..
ကျွန်မလည်း အကုန်မရရင် တစ်ခုမှမလိုချင်ခဲ့တာပါ

ရှင့် ဈာပနမှာ လူဘယ်နှစ်ယောက်လိုက်ပါပို့ဆောင်ခဲ့သလဲ ဆိုတာလည်း သိချင်သေး
အ၀တ်လေးတစ်စ နဲ့ ရှင်လုံအောင်လွှမ်းနိုင်ခဲ့သလား
ပေါင်မုန့်လေးတစ်စနဲ့ ရှင်ဝအောင် စားနိုင်ပါရဲ့လား သိချင်သေး
ရှင်..ယမမင်းကို သပိတ်မှောက်ခဲ့တဲ့ ၀ီစကီပုလင်းတွေအကြောင်းလဲသိချင်သေး
ရှင့်ညီကို သတ်တဲ့လက်နဲ့ ရှင်ဟောဒီ့ကဗျာတွေကို ပြောင်မြောက်စေခဲ့တာလဲ သိချင်သေး
ဗရက်ရေ ကျွန်မ သင်အံချင်တာတွေ
ရှင့်ဆီမှာ သိပ်များနေခဲ့ပြီ
ရှင်...တပြည်တရွာမှာ ဘယ်လိုများ နေထိုင်ခဲ့သလဲ
ရှင်ဘာတွေတွေးတော ကျင့်ကြံခဲ့မလဲ
ဗရက်ရေ..ကျွန်မ သင်အံချင်တာတွေ
ရှင့်ဆီမှာသိပ်များနေပြီ ရှင့်.....

မျက်မှောင်ကြုတ်တဲ့လူတွေလည်း
သိပ်များနေခဲ့ပြီပေါ့ ဗရက်ရယ်..
လီးမားမြို့ကြီးကတော့ ရွှေရောင်အတိပြီးလို့ပေါ့..
သူတို့ဘာမှမရရင်နေ သူတို့မျှော်နေတာ
သူတို့လင်သားတွေပေါ့ ဘရက်
အနက်ရောင်ဝတ်စုံမှာ စိန်မှုန်တွေသပေးထားလည်း
တူးတူးခါးခါး....
လည်ချောင်းကသွေးထွက်သွားအောင် ငြင်းဆိုကြလိမ့်မယ်

မိန်းမတွေမှာ လင်သားထက် အဖိုးတန်တာ
ဘာရှိဦးမလဲ
မိန်းမတွေအတွက် လင်သားထက်တန်ကြေးကြီးတာ
ဘာများရှိလေမှာလဲ ဗရက်ရယ်

လင်သားကိုမျှော်ရသူများတဲ့ တိုင်းပြည်ဟာ
ကျက်သရောယုတ်ရော့လာတယ်ထင်မိရဲ့
ဗရက်ရေ..ပျောက်ဆုံးသွားတာ ကလေး ၁၅ယောက်မှ က ပါရဲ့လားကွယ်...
ကလေးတွေ အမေပျောက်ပြီဆိုရင်တော့....
တိုင်းပြည်ဟာ...မဟာဒုက္ခ တွင်းဆုံးကျချိန်ပေါ့...။

စစ်ထက်ရသမြောက်တဲ့ အနိဌာရုံ ဘယ်ရှိမှာလဲ ဗရက်ရယ်..
မီးလောင်နေ ပြိုကျနေမယ့် အဆောက်အဦးတွေကြားမှာ
ပြန့်ကျဲနေမယ့် လူသေအလောင်းတွေကြားမှာ
အဲဒီ့ သွေးညှီနံ့တွေ ယမ်းနံ့တွေ ညှော်နံ့တွေကြားမှာ..
စိတ်ဓါတ်တွေ ကုန်းကောက်စရာမရှိအောင် ဆင်းရဲသွားကြတာ..။

ယမ်းအားနဲ့ ပြတ်ထွက်သွားတဲ့ ခြေထောက်တစ်ဘက်
တဆတ်ဆတ် တုန်ခါနေသလိုမျိုး
စစ်ပွဲ တစ်ပွဲရဲ့ ဒဏ်ရာဟာ
နှလုံးအိမ်တွေကို ဘယ်တော့မှ သွေးမတိတ်စေခဲ့တာပါ ဗရက်..။

တတိယနိုင်ငံတော်ပဲ ထူထောင်ထူထောင်
နာဇီစင်္ကြာကို ကမ္ဘာကိုချုံလွှမ်းမယ်ပဲပြောပြော
ဟစ်တလာ ဟာ စစ်ဘီလူးတစ်ကောင်ပါပဲ ဗရက်ရယ်
သူဟာ..လူသတ်ရတာမှာ
စိတ်ပါလက်ပါ လက်ယဉ်နေရှာတဲ့ သူရူးတစ်ယောက်ပါ..
သူဟာ..စကားပြောသိပ်ကောင်းတဲ့
သေနပ်ပြောင်းဝလဲဖြစ်သေး.. လေ
သူဟာ...တည်တည်ကြည်ကြည်ခန့်ခန့်ငြားငြားကြီး
ပြောင်လိမ်ပြောင်စား လုပ်ဝံ့တဲ့သူပေါ့...

ဗရက်ရေ...
ဂျိုးဇက်ပေါလ်ဂိုလ်ဘယ်လ်စ်လို အသက်များစွာပေးပြီး
သစ္စာရှိသူတွေကြားမှာ သူဟာ မင်းမြောက်တန်ဆာငါးပါးနဲ့
သူ့တရားသူ စီ ရင် ရ ရှာ သူ

ဗရက်ရေ....
သူက အမှားတွေ ကြာကြာမှန်လို့မရကြောင်း..
အပြောင်မြောက်ဆုံး သက်ရှိသက်သေပဲ

ဂျူးတွေ...ဂျူးဖြစ်နေကြတာလည်း
အပြစ်မှ မဟုတ်တာပဲ ဗရက်..ရယ်...
စိတ်တွေကွဲလွဲခွင့်ဆိုတာ
ဘုရားသခင်ကိုယ်တော်တိုင်ဖန်တီးထားခဲ့တာ

ဗာလင်နန်းတော်ရဲ့မြေအောက်ခန်းထဲ
သူကိုယ့်သူသေကြောင်းကြံတယ်ကြားလိုက်တော့
ရှင်ဘယ်လိုနေသလဲ ဆိုတာ ကျွန်မသိချင်လိုက်တာဗရက်ရယ်
သေချာတာဟာ
ရှင် ၀မ်းမြောက်ဝမ်းသာ ရှိမနေနိုင်ပါဘူး

ဗရက်...ရှင်က ကဗျာဆရာလေ..
ရှင်က.. ကဗျာဆရာလေ.. ဗရက်

လူသားတစ်ယောက်ရဲ့သေခြင်းတရားကို
ဘယ်လိုနားနဲ့မှ မနာပျော်နိုင်သူ
အမှားအယွင်းနဲ့ အကြောက်တရားထဲကဘ၀တွေကိုကယ်ချင်သူ
ခေတ်တစ်ခေတ်နဲ့
စနစ်ဆိုးတစ်ခုကိုပဲ ရွံရှာမုန်းတီးခဲ့သူလေ

ဗရက်ရေ..
ရှင့်ဆီမှာ ကျွန်မသင်ယူချင်တာတွေ
သိပ်များနေခဲ့တယ်

ကျွန်မက ရှင့်ကဗျာကိုဖတ်နေရက်နဲ့
ကြောင်တောင်ကန်းနေခဲ့သူပေါ့
ကျွန်မက ရှင့် ကဗျာတွေ ရွတ်ဖတ်နေရင်းကို
ဆွံ့အ ပင်းပိတ်နေသူပေါ့

အို.....
ဗရက်ရယ်..........
ရှင့်ဆီမှာ ကျွန်မ
သင်ယူချင်တာတွေ သိပ်များနေပါပေါ့...။

အိန္ဒြာ ( ၂၂.၅.၂၀၀၉)
အမှတ်(၂၆)ပိတောက်ပွင့်သစ်မဂ္ဂဇင်း

အင်အားတစ်ခုခု အရှိန်နဲ့ဆောင့်ဝင်လာသလို
ပါးပါးလျားလျား လွင့်ဝဲယှက်ဖြာနေတဲ့ ရနံ့တစ်ခုလို
သိုသပ်ကျစ်လစ်တဲ့ ပန်းတစ်ပွင့်ပွင့်လာပုံကိုစောင့်ကြည့်နေရသလို
ဖြိုင်ဖြိုင်သည်းနေတဲ့ မိုးပြင်းလမ်းမပေါ်လျှောက်သွားမိသလို
မှောင်မည်းတိတ်ဆိတ်တဲ့ ညအရိုင်းထည်ထဲ ပျော်ဝင်နေသလို
ရင်ခုန်သံအစီးအဆင်းအတိုင်း လှိုင်းဂရက်ထလူးလွန့်ပြလိုက်သလို
စကားလုံးတွေကို အမျှင်အပြတ်တွတ်တွတ်ရွတ်အံနေမိတဲ့ သူရူးတစ်ယောက်လို
ခေတ်တွေကို ထုတ်ပိုးပေးလိုက်တဲ့ ပါဆယ်လက်ဆောင်တစ်ခုလို
အရောင်တွေ ရောစပ်ယှက်ဖြာထားတဲ့ သက်တန့်ရောင်စဉ်တန်းလေးလို
မိုင်ကုန်တိုက်ခတ်နေတဲ့ မုန်တိုင်းတစ်ခုထဲ တစ်စုံတစ်ရာကို အားကိုးတကြီးတွယ်ဖက်ဆုတ်ကိုင်ထားရသလို
ဘိုဟီးမီးယမ်းဆန်ဆန် မလိမ်မိုးမလိမ်မာအတွေးလေးတစ်စလို
အများအတွက်လိုလို
သူ့အတွက်လိုလို
အနုပညာအတွက်လိုလို
ကိုယ့်အတွက်ကိုယ်လိုလို
အသက်ကို ဖွဖွရှိုက်ပြီး ကဗျာရေးဖြစ်ပါတယ်..။

ဘားတော့ဗရက်ရဲ့ကဗျာတွေဖတ်ဖြစ်ပါတယ်..။
အနုပညာအင်အားကြီးတစ်ခုက အရှိန်ကြီးကြီးဝင်ဆောင့်သွားသလိုပါပဲ
မိုင်ကုန်တိုက်ခတ်နေတဲ့ မုန်တိုင်းတစ်ခုထဲ တစ်စုံတစ်ရာကို အားကိုးတကြီးတွယ်ဖက်ဆုတ်ကိုင်ထားရသလိုပါပဲ
တန်ဖိုးမဖြတ်နိုင်တဲ့ ပါဆယ်လက်ဆောင်တစ်ခုလက်ခံရရှိလိုက်သလိုပါပဲ..
အဲဒါနဲ့ သူ့နဲ့ စကားစမြည်ပြောချင်လာပါတယ်..
ရှည်ရှည်ဝေးဝေးပြောဖြစ်သွားတယ်..
စကားလုံးတွေကို အမျှင်အပြတ်တွတ်တွတ်ရွတ်အံနေမိတဲ့ သူရူးတစ်ယောက်လို တိုင်တည်နေမိတယ်...

အဲသလိုချရေးဖြစ်လိုက်တဲ့ "ကဗျာ"

အရှိန်နဲ့ဝင်ဆောင့်လိုက်မယ့် ပါဆယ်တစ်ပုဒ်ဖြစ်ပါစေလို့ရည်ရွယ်မိပါတယ်..။

အိန္ဒြာ

ငဝန်ဧရာ ပမ္မဝတီ ရွေးနဒီ တကြော မျောလာတဲ့ ဒိုက်တစ်မျှင်

တိတ်ဆိတ်နေတဲ့ ပင်လယ်
ကြယ် မကြွေ၊ တော် မလဲ
လက်နက် ဝင်းလက် မပြိုးပြက်
သမားရိုးကျရက်တွေထဲက တစ်ည
ဘုရားသခင် စွန့်ပစ်လိုက်တဲ့ အမှိုက်တစ်စ
င၀န်မြစ်ညာအရပ်က ကျလာတယ်။

ပန်းခက်တွေရေးထားတဲ့
ဖျင်ထီးရောင်စုံ
ငဝန်မြစ်ဝမှာ ငယ်မူကြွ လှနေတုန်း
အပြာမှာ အ၀ါဆင်
ပွင့်ဖူးတလွင်လွင်နဲ့
ဗေဒါပင်ကို အားကျ
ရေကျော်ဝကနေ ချောင်းထဲဝင်
လတာပြင်ကို မိတ်ဖွဲ့လို့
ဂျွမ်းအတတ်ကို ငဖျံဆီမှာသင်
ဒိုက်အဆင် ဒိုက်အသွေးကိုမေ့လို့
ခပ်ရေးရေး စိတ်ကြီးဝင်ခဲ့သေးတယ်။

ဘုတ်မက အီနေတုန်း
ကျူရိုးရှင်က ပီနေတုန်း
ပမ္မ၀တီရဲ့ ရေချိုရေငန်စပ်မှာ
ဗေဒါတွေကျပ်
ဗျိုင်းဖြူတွေ တောင်ပံခတ်ချိန်အထိ
အစုန် အဆန် ဆင်းခဲ့တယ်
နေလုံး မှိန်ပြန်တော့
အိမ်.. ဆိုတာရဲ့ ဒဿန
ချ မပြချင်သေးတဲ့အခါ
ဆည်းဆာချိန် တိမ်အတွေးထဲမှာ
သဲသောင်ပြာပြာက တနံတလျားကျယ်သွားခဲ့တယ်။

တွေးခဲ့ဖူးတယ်….
ဧရာဝတီသင်္ဘောရဲ့ အထက်တန်းအိပ်စင်က
ပစ်ချလိုက်တဲ့ ဘီယာဗူးခွံတစ်လုံးကို
ငှက်သမ္ဗာန်တစ်စင်းရဲ့ နံဘေးကနေ
ငေးကြည့်ရင်း တွေးခဲ့ဖူးတယ်
ကောင်းကင်နဲ့မြေသား
အလွှာအထပ်ထပ်တွေကြားမှာ
ဘီယာဗူးတစ်လုံးစာ ခြားနားနေသလား။

တွေးခဲ့ဖူးတယ်…
စပါးတွေ ဆားတွေ ငါးတွေကိုပေးတဲ့
ကြွယ်ဝတဲ့မြစ်ချောင်းတွေကြား
ဓနိပင် လမုတန်း နုံးစပ်စပ်မှာ
ကဏန်းနှိုက်နေကြတဲ့ အင်္ကျီမပါတဲ့ကလေးတွေ
ရွှံ့ရောင်မွဲနေတဲ့ တောသူတောင်သားတွေ
ကမ်းမကပ်နိုင်တဲ့ ဒိုက်ဖတ်တွေ အတွက်
နက္ခတ်တွေ လင်းမပြနိုင်တဲ့အခါ
ဘယ်အရာက ချည်ထုံးထားခဲ့တာကြောင့်လဲ။

တွေးခဲ့ဖူးတယ်…
တကယ်လို့များ
အိန္ဒုမြစ်က ရေ
နိုင်းမြစ်ကရေ
သိန်းမြစ်က ရေ
မြစ်ဝါမြစ်က ရေ
ဗော်လဂါမြစ်က ရေ
ကမ္ဘာ့မြေပုံထဲက ရေတွေအားလုံးက
ဆာတယ်ဆာတယ်လို့
သံပြိုင်တက်တက် အိပ်မက်စိမ်းပေးလာကြတဲ့အခါ
ဘယ်အရာနဲ့ မွတ်သိပ်မှုပြေစေမလဲ။

တွေးခဲ့ဖူးတယ်…
မြစ်တစ်စင်းထဲမှာ ရေနှစ်ခါချိုးလို့မရဘူး တဲ့
နှစ်ခါမက ထပ်ထပ်မှားခဲ့တဲ့ အမှားတွေကို
ဘယ်မြစ်ရေမှာ ဘယ်လိုဆေးကြောရပါ့
ရွေးမြစ်ကမ်းလှလှက
ဆားငန်ရေ ၀ သွားတဲ့ ဒိုက်မျှင်ဟာ
ငရဲတံခါး ဖြတ်ကျော်ရင်
သံသရာကိုပါ မေ့လျော့စေတဲ့ မြစ်မှာ
ကူးခပ်ရင်းနစ်နေပြီလားကွယ်။

အချိန်ဆိုတာ
လူတွေသတ်မှတ်ထားတဲ့ ရေစီးကြောင်း
အနာဂတ်ဆိုတာ
စိတ်ကူးမြစ်တို့စုဆုံရာ ပင်လယ်
ကံကြမ္မာဆိုတာ
အရာရာ အစိုးမရနိုင်တဲ့ လေထု
ရေပြင်ကျယ်တကြော
မျောလာတဲ့ ငွေ့ရည်တွေဟာ
ရူးသွပ်သွေးဆာ သွားတဲ့အခါ
မာယာတွေဖွဲ့ ဗျူဟာတွေချဲ့တယ်
တံပိုးခရာသံ အသစ်နဲ့
နာဂစ်တံဆိပ်ကိုကပ်ထားတဲ့
မေ ၂ ရဲ့ စစ်ကြေညာသံက
မျှော်လင့်ချက်တွေကို အငိုက်မိ လန့်နိုးစေတယ်။

အချစ်ကိုသာ သယ်လာဖူးတဲ့
ဂန္ထ၀င်မြစ်တွေဟာ
သည်စစ်ပွဲမှာ အလဲအကွဲပေါ့
မိစ္ဆာတွေရဲ့ ညှီစို့စို့ ရနံ့တွေကို
ရေငန်တရိုးက စောင်းသံနဲ့ မလှန်နိုင်ခဲ့
ပင်လယ်ထဲက မှိန်းတစ်လက်နဲ့
နက်ပကျွန်းက ဂုတ်ခွစီးလာချိန်
ပုဆိန်တွေ ၀ှက်ထားတဲ့ မြစ်စောင့်နတ်က
ဝိညာဉ်နှစ်သိန်းကျော်နဲ့
ယာဇ်ပူဇော် ဖို့ဆင့်ခေါ်လိုက်ချိန်
အနောက်ဘက်မှာ ငှက်တွေ အုပ်လိုက်ထပျံတယ်။

လေနီကြမ်းဆိုတာ
ထန်းလက်နဲ့ ကာလို့မရဘူး
သိမှု နဲ့ဝန်တာ
နမူနာ ချပြလိုက်တဲ့ မြစ်တို့ရဲ့လင်္ကာဟာ
ကွဲအက်တုန်ခါ ငိုသံပါနေတယ်
ပြာမလော့ ဟိုဘက်ခြမ်းက
ပဲ့ကျသွားတဲ့ မြစ်ကမ်းပါးဟာ
နှလုံးသားတွေကိုပါ တိုက်စားသွားတယ်
သယ်ကယ်သောင်စွန်းက
စုန်းစုန်းမြုပ်သွားတဲ့ မြေနုကျွန်းထဲ
ရင်အစုံတွေ ကွဲကြေသွားတယ်
ကယ်ပါယူပါ လက်တွေအကမ်းမှာ
ဒေါင်လိုက်ရမ်းသွားတဲ့လေဟာ
အရှေ့အရပ်ထိ အဖျားခတ်ရင်း
ပြတ်တောက်ကျန်ခဲ့တဲ့
ဒုက္ခတရားရဲ့ မြစ်ကျိုးအင်းတွေကို
ဇွတ်အတင်း ထားရစ်ခဲ့တော့တယ်။

………
………
………
စစ်.. တွေ ပြီးပြီလား
မြစ်တွေကတော့ စီးနေဆဲ
မြစ်ရဲ့အလှ
မြစ်ရဲ့ဘ၀
မြစ်ရဲ့ဓမ္မ မှာ
တရားမရနိုင်ရှာသေးတဲ့
သည်ငမိုက် သည်ဒိုက်ကတော့ ကမ်းမကပ်သေးဘူး
ရုပ်သက်သက်နဲ့ကျိုလောင်းထားတဲ့
လူလုပ်မြောင်းတစ်ခုထဲမှာ
မလှုပ်တလှုပ်မျောပါရင်း
ဧရာဝတီရဲ့ မကျက်တကျက်ဒဏ်ရာတွေကို
အဝေးကနေ နာ ရုံလေး နာ နေလေရဲ့။


ပန်ဒိုရာ

(မေ ၂ သို့)
2 May 2009

ကဗျာတွေ ရေးတဲ့အခါ ခံစားချက်ရယ်၊ အတွေးအခေါ်ရယ်၊ စကားလုံးတွေရယ်၊ သီအိုရီတွေရယ်၊ ကိုယ့်အတ္တရယ် မကြာခဏ ပဋိပက္ခ ဖြစ်ကြပါတယ်။ မရှိမကောင်းရှိမကောင်း မတည့်အတူနေကြတဲ့ အပေါင်းအသင်းတွေပီပီ အနုပညာနဲ့ မူးဝေ ယစ်ထွေပြီး နောက်တနေ့ ပြန်တွေ့ ပခုံးဖက်ကြတဲ့အခါ ဒဏ်ရာကိုယ်စီနဲ့ ညိုမည်းဖူးယောင်လို့။ အဲဒီဒဏ်ရာတွေကိုပဲ တမြမြ ခံစားကြတဲ့အခါ ရသလို့ ဆိုပြန်တယ်။ ပေါင်းစပ်ကြတဲ့ တစ်ခုချင်းရဲ့ တစ်ပွဲစီမှာ အနှိုင်အရှုံး အားနည်းအားသာမှုတွေကို မူတည်ပြီး ကဗျာတစ်ပုဒ်စီက ကျဲလိုက် ပျစ်လိုက် ဖြူလိုက် ညစ်လိုက်မို့ စတိုင်မရှိခြင်းဆိုသော စတိုင်နဲ့ ဆက်လက်နေဆဲပါ။

လေဟုန်ပျံဝဲနေသော ကဗျာများ၊ မြုပ်လိုက်ပေါ်လိုက် ဖြစ်နေသောကဗျာများ၊ ဒုန်းစိုင်းနေသောကဗျာများ၊ ဒေါင်လိုက်ကန့်လန့် သွားနေသောကဗျာများ၊ အာခေါင်ခြစ်နေသော ကဗျာများ၊ ပြောရေးဆိုခွင့်မရှိသော ကဗျာများ၊ ယူဇနာပေါင်း ရှစ်သောင်းလေးထောင် အမြင့်ဆောင်သော ကဗျာများ၊ အမျိုးအမည်မထင်ရှားသော အညတြကဗျာများ … စတဲ့ တခုခုထဲမှာ အကျုံးဝင်သွားနိုင်တဲ့ ကဗျာတစ်စ ကို ဆွဲထုတ်လိုက်ပါတယ်။

လေးစားစွာ

ပန်ဒိုရာ

Poet's Choice By Pandora

ဒီကဏ္ဍလေးရဲ့ နောက်ထပ်စာမူရှင်ကတော့ လက်ရှိဘလော့စာမျက်နှာများပေါ်မှာမော်ဒန်ကဗျာများအား အစဉ်တစ်စိုက်ရေးဖွဲ့နေသူ ကဗျာဆရာမ ပန်ဒိုရာ ဖြစ်ပါတယ်။ ပန်ဒိုရာ(ရှင်သန်ခြင်းတွေဖြန့်ခင်းထားတဲ့နေရာ) ဘလော့လေးကိုရေးသားဖန်တီးနေတဲ့ ဘလော့ဖန်တီးရှင်လည်းဖြစ်ပါတယ်။ကဗျာဆရာမ ပန်ဒိုရာ ရေးပြီးကဗျာဆရာမ အကြိုက်ဖြစ်တဲ့ကဗျာလေးတစ်ပုဒ်ကို ကဗျာဆရာမ ပန်ဒိုရာ က ဘယ်လိုအချိန်၊ဘယ်လိုပတ်ဝန်းကျင်၊ဘယ်လိုခံစားချက်တွေနဲ့ရေးဖွဲ့ဖန်တီးဖြစ်ခဲ့ကြောင်းကို အပြည့်အစုံမဟုတ်တောင်
အနီးစပ်ဆုံး ချဉ်းကပ်ခံစားဖတ်ရှုနိုင်စေရန် ရည်ရွယ်တင်ဆက်ခြင်းမျှသာ ဖြစ်ပါတယ်။ ကဗျာဆရာများရွေးချယ်ခြင်းကတော့
ဒီဘလော့လေးကို ရေးသားတင်ဆက်နေသော ကျွန်တော် အောင်ပိုင်စိုး၏ တစ်ကိုယ်ရည်တစ်ကာယစိတ်ခံစားချက်သာဖြစ်ပါကြောင်း ပြောကြားလိုပါတယ်။
နောက်ထပ် ကဗျာဆရာများရဲ့ ရွေးချယ်ကြိုက်နှစ်သက်သော စာမူများကိုလည်း ဆက်ကာဆက်ကာ ဖော်ပြပေးသွားမည်ဖြစ်ကြောင်း
ဘလော့ဂါများ၊ကဗျာဆရာများ၊ ဘလော့စာဖတ်ပရိသတ်များအားအသိပေးအပ်ပါသည်ခင်ဗျား...။
သည်ကဗျာဆရာအကြိုက်(Poet's Choice)ကဏ္ဍလေးဖြစ်ပေါ်လာစေရန် စာမူပေးပို့ပေးသော ကဗျာဆရာမ ပန်ဒိုရာအား ကျေးဇူးအထူးတင်ရှိပါကြောင်း သည်ဘလော့စာမျက်နှာလေးမှတစ်ဆင့်ပြောကြားအပ်ပါသည်။

ကုလားအုတ်

သီချင်းက မဆုံးသေးဘူး
စည်သွပ်ဘူးတင်ရထားကြီးက
ကျည်ဆံသယ်ရထားကြီးဖြစ်
ကလေးက
ဘီးတစ်ဖက်ပြုတ်နေတဲ့ ထရပ်ကားကြီးထဲမှာ
အဖေက
မီးစွဲနေတဲ့ ဂျုံခင်းထဲမှာ
ဖိနပ်တစ်ဖက်မရှိတော့ဘူး
တိုက်ပျက်နံရံကို
ကျည်ဆံခွံနဲ့
ကြက်ခြေခတ်ဆွဲချလိုက်တယ်
ပိုင်သူမဲ့ကုတ်အင်္ကျီ
ကြိုးတန်းပေါ်မှာ တွဲလျားကျ။ ။

သူရနီ

၂၀၀၆၊ဖေဖော်ဝါရီ၊ ရုပ်ရှင်တေးကဗျာ

စီစီဖတ်

စီစီဖတ်ဟာ ကျောက်တုံးကြီးကို တောင်ပေါ်တွန်းတင်လိုက် ပြန်လှိမ့်ချလိုက်တဲ့
ငါက ဒီအသက်အရွယ်ထိ အိပ်လိုက် စားလိုက် ရေးချင်တာလေး ထရေးလိုက်
ရေးသမျှအမှိုက်ဖြစ်သွားလိုက် ငိုယိုလိုက် ပေါက်ကွဲလိုက် မူးရူးလိုက် ရန်ဖြစ်လိုက်
စီစီဖတ်ရဲ့ တာဝန်က ကျောက်တုံးကြီးကို တောင်ပေါ်တွန်းတင်ဖို့ ပြီးရင် ပြန်လှိမ့်ချဖို့တဲ့
ငါ့မှာ ဘာတာဝန်မှမရှိ ပိုက်ဆံမရှိ ချစ်သူရည်းစားမရှိ အနုပညာမရှိ ဘွဲ့လက်မှတ်မရှိ
စီစီဖတ်ဟာ အခုထိ ကျောက်တုံးကြီးကိုတွန်းတင်တယ် ပြန်လှိမ့် ချတယ် အဖေက
ငါ့ကို တစ်ခုခုဖြစ်စေချင်တယ် အပေါင်းအသင်းတွေက ငါ့အချိုးကို ပြင်စေချင်တယ်
ချစ်ခဲ့သူက ငါ့နောက်ကျော ဓားနဲ့ထိုးတယ် ပတ်ဝန်းကျင်မှာ ငါဟာ အရူး နားလည်ရ
ခက်တဲ့လူ တစ်ခါတစ်ခါအရက်ကြောင် ကြောင်ပြီး ဘ၀ပျက်နေတဲ့ ဘ၀င် စီစီဖတ်က
သူ့ကျောက်တုံးကြီးအပေါ် ဘယ်လိုသဘောထားသလဲ အပြစ်ဒဏ်သပ်သပ်ပဲလား
လက်လွှတ်ဆုံးရှုံးခဲ့ရတာတွေအတွက် ငါလည်းကြေကွဲခဲ့ဖူးပါတယ် အများသူငါထက်
စိတ်ကူးယဉ်ဖူးပေမယ့် အများသူငါထက် လက်တွေ့ပိုရှုံးနိမ့်ခဲ့ရတယ် စီစီဖတ်ဟာ
အချိန်ကြာလာတာနဲ့အမျှ သူ့ကျောက်တုံးကြီးကို ခင်တွယ်လာမှာပဲလို့ ငါတွေးမိတယ်
နေ့တိုင်းနေ့တိုင်း လက်ဖက်ရည်ဆိုင်ထိုင်တွေးနေတဲ့ ငါ့အနာဂတ်ကို အဖေက
မကောင်းတဲ့အနာဂတ်လို့တွေးတယ် ငါ့ရဲ့ မကောင်းတဲ့ အနာဂတ်ဟာ သူငယ်ချင်းတွေ
ဆီမှာ အိမ်ပြန်ဖို့ကားခ လက်ဖြန့်တောင်း အရွယ်လွန်တပ်မက်စိတ်နဲ့ မိန်းမမြင်တိုင်း
ပစ်မှား ဘယ်တော့မှ မရှိခဲ့တဲ့ ငါ့အနုပညာခေတ်ကိုထူထောင် လူကြားထဲ အော်ကြီးဟစ်
ကျယ်ငြင်းခုံ စီစီဖတ်ဟာ ကျောက်တုံးကို တွန်းတင်လိုက် ပြန်လှိမ့်ချလိုက်ပဲလုပ်နေတယ်
ငါလုပ်ခဲ့တာတွေက စီစီဖတ်ထက် ပိုများတယ် လှီးထုတ်ပစ်ရမယ့်အပိုကိစ္စတွေအပြည့်
တောင်အောက်ကနေ တောင်ပေါ်တက်တဲ့အခါ စီစီဖတ်တစ်ယောက် ဘယ်လိုစိတ်နဲ့
ကျောက်တုံးကို တွန်းတင်သလဲ ရှုပ်ထွေးစွာနဲ့ သိပ်စိတ်ညစ်နေမလား ခုကစ ငါလည်း
စီစီဖတ်လုပ်ချင်တယ် အပိုကိစ္စတွေလှီးထုတ်မယ် စီစီဖတ်စိတ်မညစ်ဘူး စီစီဖတ်ပျော်ရွှင်
နေမယ်လို့ ယုံတယ် ကျောက်တုံးကြီးကို နောက်တစ်ခေါက် တောင်ပေါ်တွန်းတင်
ပြီးရင် နောက်တစ်ခေါက် အောက်ပြန်လှိမ့်ချ ဒါစီစီဖတ်ရဲ့ အလုပ် ငါအချိန်ရတိုင်း
တွေးခေါ်မယ် ပြီးရင် အဲဒီ့အတွေးတွေကို စာရေးမယ် တစ်ရက်ပြီးတစ်ရက်
ဆက်တိုက်ဆက်တိုက် စီစီဖတ်ရဲ့ အနာဂတ်ဟာ သူ့ကျောက်တုံးကို နောက်
တစ်ခေါက်ပြန်တွန်းတင်ဖို့ ပြီးရင် ပြန်လှိမ့်ချဖို့ဆိုရင် ငါ့အနာဂတ်က
အဆက်မပြတ်တွေးမိတာတွေ ပြန်ချရေးဖို့ပဲ
စီစီဖတ်ပျော်ရွှင်သလောက်တော့ ငါလည်းပျော်ရွှင်ရမှာပေါ့
ဒါငါ့အလုပ်ပဲလေ။ ။

လွန်းဆက်နိုးမြတ်
၂၀၀၉၊အောက်တိုဘာ၊ IDEA

စိတ်ထဲမှာရှိတာတွေ

ပန်ကာလည်သလို နားထဲမှာလည်နေတယ်
နားလည်တယ်
ဆရာပြောတာ ကျွန်တော်နားလည်ပါရဲ့
ပြန်ပြောဖို့ ပြန်ပြဖို့  ပြန်လည်ရေးချဖို့ဆိုတာ
လူမှုဆက်ဆံရေးကောင်းဖို့ လိုတယ်ဗျာ
“မင်းနာမည် ဘယ်သူလဲ”
ဟုတ်ကဲ့ မင်းနာမည် ဘာလဲ ဘာလဲ
မဟုတ်သေးပါလား ဆရာရယ် ကျွန်တော့်နာမည်
အသိလေးလာလာကပ်ပါ မင်းဆိုတာ ကျွန်တော်
ကျွန်တော့်ကိုမေးနေတာသေချာတယ် အဖြေ
“ဘယ်အချိန်လဲ နေ့လား ညလား မနက်လား”
စာရွက်ပေါ်ချမရေးပါနဲ့လား ဆရာရယ် အရွေ့
အချိန်ဆိုတာကြီး ရွေ့ရွေ့နေတယ် နေ အလင်း ည အမှောင်
မအိပ်ခဲ့ဘူးတဲ့အချိန်တွေ အခုပြန်အိပ်ရင်
နိုးတဲ့အခါ မနက်
ကျွန်တော့်အသက်ဟာ မမှတ်မိတဲ့ရက်တွေပါပဲ
မမေးပါနဲ့ မတွေးပါနဲ့လား
လက်ထဲကပစ္စည်းလေးဟာ ဘာပါလိမ့်
ကျွန်တော်သိနေတယ် မြင်ဖူးနေတယ်
ဘာသာစကားတွေ ခေါင်းထဲမှာရွှေ့ရွှေ့ နေတယ်
ငယ်ဘဝက အတွေ့အကြုံထဲမှာ ထိုအရာ အထိအတွေ့
ကျွန်တော်ခံစားနေရတယ် သိရှိနေမိတယ်
“တစ်ရာထဲကနေ ခုနှစ်ကိုနှုတ်ရမယ် ဆက်တိုက် ဆက်တိုက်”
ခေါင်းထဲမှာကိုက်နေတာ ကဗျာထဲက စကားလုံးတွေ
ကျွန်တော်ဟာ နေမကောင်းသူပေါ့
စိတ် ခဏ ခဏ ပြောင်းသူပေါ့
မမော မပန်း။ ။
မြတ်ဝေ
၁၁.၁၁.၂၀၀၉

ခေတ်ကြီးရယ် ယဉ်ကျေးမှုရယ် ရှိတယ်ဗျာ။ လူတစ်ယောက် အိမ်တစ်အိမ် ရပ်ကွက်တစ်ခု
မြို့တစ်မြို့ လူမျိုးတစ်စု နိုင်ငံတစ်နိုင်ငံ ကမ္ဘာကြီးတစ်ခုရဲ့ ဖြစ်တည်မှုကို ဖော်ထုတ်ဖို့လိုတဲ့
အခါ ကဗျာဆရာပေါ်လာတယ်။ခေတ်ပြိုင်ခံစားမှုလို့ ကဗျာဆရာတွေခေါ်တဲ့ ခေတ်ရဲ့အထိ
အတွေ့ကြောင့်ဖြစ်ပေါ်လာတဲ့ အသိကို ဖော်ထုတ်ဖို့ ကဗျာဆရာတွေပဲတတ်နိုင်တယ်။
အနုပညာရှိတယ် ပါရမီရှိတယ်ပေါ့ဗျာ။ ဘာသာစကားနဲ့ ကဗျာဆရာရဲ့ အနက်ရှိုင်းဆုံး
အနုပညာထိတွေ့တဲ့အခါ ကဗျာဖြစ်ပေါ်လာပါတယ်။ ကဗျာဆရာရေးတိုင်း ကဗျာအရာ
မမြောက်ပါဘူး။ကဗျာဆရာဟာ သူရေးတဲ့အရာတိုင်းကို ကဗျာဖြစ်အောင်မရေးဖွဲ့နိုင်ပါဘူး။
ကဗျာဆိုတာကြီးက ကဗျာဆရာကို အမြဲဖိနေပါတယ် ။ အဝေးမှာ ညင်ညင်သာသာလေး
ရွေ့ရင်း ဖိနေပါတယ်။ ဖိတာကိုမခံနိုင်ပဲ ရေးဖြစ်ရုံသက်သက် ကဗျာဟ ဆိုပြီးဖမ်းလိုက်
တဲ့အခါ ကဗျာဓာတ်လေး အနုပညာဓာတ်လေး လွင့်စင်သွားပါတယ်။ ဝင်လာမှ ဖမ်းယူ
လိုက်နိုင်တဲ့ကဗျာသာလျှင် အသက်ဓာတ်လေးပါ ပါတယ်။ဘယ်တော့မှမသေတဲ့ ကဗျာဖြစ်ပေါ်
လာပါတယ်။ မသေတဲ့ကဗျာဟာဘာကို ကိုယ်စားပြုသလဲ ဆိုရင်တော့ “အမှန်တရား” ကို
ကိုယ်စားပြုပါတယ်။ ”ရိုးသားမှု“ကို ကိုယ်စားပြုပါတယ်။ ကဗျာဆရာရဲ့ “ယုံကြည်မှု”ကို
ကိုယ်စားပြုပါတယ်။ ကဗျာဆရာနဲ့ ကဗျာ ၊ ကဗျာနဲ့ ခေတ် ၊ ကဗျာနဲ့ ကဗျာဖတ်သူ ၊
လမ်းချင်းမတူပေမယ့် ယဉ်ကျေးမှုချင်းတူပါတယ်......။ ။

လေးစားချစ်ခင်လျှက်
မြတ်ဝေ

Poet's Choice By Myat Wai

ဒီကဏ္ဍလေးရဲ့ နောက်ထပ်စာမူရှင်ကတော့ လက်ရှိမော်ဒန်ကဗျာများအား အစဉ်တစ်စိုက်ရေးဖွဲ့နေသူ ကဗျာဆရာမြတ်ဝေ ဖြစ်ပါတယ်။ ခေတ်ကျန်ကဗျာများ....... ဘလော့လေးကိုရေးသားဖန်တီးနေတဲ့ ဘလော့ဖန်တီးရှင်လည်းဖြစ်ပါတယ်။ကဗျာဆရာမြတ်ဝေ ရေးပြီးကဗျာဆရာအကြိုက်ဖြစ်တဲ့ကဗျာလေးတစ်ပုဒ်ကို ကဗျာဆရာမြတ်ဝေ က ဘယ်လိုအချိန်၊ဘယ်လိုပတ်ဝန်းကျင်၊ဘယ်လိုခံစားချက်တွေနဲ့ရေးဖွဲ့ဖန်တီးဖြစ်ခဲ့ကြောင်းကို အပြည့်အစုံမဟုတ်တောင်
အနီးစပ်ဆုံး ချဉ်းကပ်ခံစားဖတ်ရှုနိုင်စေရန် ရည်ရွယ်တင်ဆက်ခြင်းမျှသာ ဖြစ်ပါတယ်။ ကဗျာဆရာများရွေးချယ်ခြင်းကတော့
ဒီဘလော့လေးကို ရေးသားတင်ဆက်သော ကျွန်တော် အောင်ပိုင်စိုး၏ တစ်ကိုယ်ရည်စိတ်ခံစားချက်သာဖြစ်ပါကြောင်း ပြောကြားလိုပါတယ်။
နောက်ထပ် ကဗျာဆရာများရဲ့ ရွေးချယ်ကြိုက်နှစ်သက်သော စာမူများကိုလည်း ဆက်ကာဆက်ကာ ဖော်ပြပေးသွားမည်ဖြစ်ကြောင်း
ဘလော့ဂါများ၊ကဗျာဆရာများ၊ ဘလော့စာဖတ်ပရိသတ်များအားအသိပေးအပ်ပါသည်ခင်ဗျား...။
သည်ကဗျာဆရာအကြိုက်(Poet's Choice)ကဏ္ဍလေးဖြစ်ပေါ်လာစေရန် စာမူပေးပို့ပေးသော ကဗျာဆရာ မြတ်ဝေအားကျေးဇူးအထူးတင်ရှိပါကြောင်း သည်ဘလော့စာမျက်နှာလေးမှတစ်ဆင့်ပြောကြားအပ်ပါသည်။

နီးနီးထိလု ပြီးသွားတတ်ပျံ မီးတွေ ၀ပြီ မှိုင်းပုံးကြီး

တေးသွားနောက်ခံတီးလုံး အလိပ်လိုက် အလိပ်လိုက် တက်လာချိန် မျက်ဝန်းဟာ
အရှိန်ဟာ ကြည်လဲ့နေတယ် ရပ်ပေးရမလား ထပ်ချပ်မကွာ
အဆင်သင့်မဖြစ်ခင် ရေလာဖို့ မြောင်းတွေ ပေးထားတယ်
ဦးထုပ် အ၀ါဆောင်း လိမ္မော်ရောင် အင်္ကျီဝတ် ကတ္တရာလမ်းမှာ ငုတ်တိုင်တွေ တစ်တိုင်ပြီး တစ်တိုင်
ဖြူနီကြောင်ကျား နေ့ သေမလား ည သေမလား
စိုက်လို့ စေးကပ်နေတဲ့ စိတ်တွေ ကော်ဖီကို ရေနွေးနဲ့ဖျော် ရေခဲသေတ္တာထဲ
ပန်းသီးတစ်လုံး(တည်း) လက်ညှိုးနဲ့လက်ခလယ်၊
လက်သူကြွယ်နဲ့လက်သန်း ပူးကပ်
သင်္ကေတအဖြစ် နောက်ခံတီးလုံးကို မြောင်အောင် နှုတ်ခမ်းကို ကျိုက်ထားမလား နံရံပေါ်
စက်သီးနဲ့ဆွဲတင်တဲ့ အလျှောက် အရာဝတ္ထုဟာ မြောက်၊ မြောက် ပါသွား လေထဲမှာ
အိပ်ယာဝင်ရင် သွားအတုကို ဆေးစိမ်ထားရတယ် ဆရာဝန်ပြောပြချက်အရ
မိုးရွာတဲ့အခါ အဲဒီအမိုးအောက် ခိုတွေ အုပ်လိုက် ရောက်လာကြတာပဲ
အကျိုးသင့် အကြောင်းအသင့် ပြောလိုက်ရင် (သူတို့) နား
ဝင်သွားမယ်ထင်တယ် မကြာဘူး ခဏလေး
လမ်းထိပ်တင်ပဲ သာမာန်အဖြစ်အပျက်လေးတွေ
ရေစီးကြောင်းထဲ မျောပါသလောက်ဆိုရင် နေ့ သေသေ ည သေသေ ၀ါကျတွေ
ထရံပေါက်မှ အူနံရံတလျှောက် လှုပ်ခတ်သွားသလို ခံစားရတယ် ယိုစိမ့်ပေါက်ပြဲ
ထွက်ကျလာတဲ့ ခြေထောက်ဟာ ကမ္ဘာကြီးမှာ
ပြောင်တင်းပြီး ဗြောင်လိမ် ဗြောင်စား
လက်လှည့်ကစားနေတာ လူတူမရှား နာမည်တူမရှား ရောမိရောရာ
(အနုပညာ)နည်းနည်း ရောထည့်လိုက်တယ် မီးပုံးပျံကြီး
မှိုင်းတွေ ၀ပြီး ပျံ
တတ် သွားပြီ
ထိလုနီးနီး ။ ။

တည်ရ ရေးသည်


ကဗျာတစ်ပုဒ်ရဖို့ဆိုတာ တကယ်တော့ ဘာရယ်မဟုတ်ပါဘူးလို့ ပြောလို့ရသလို အရမ်းခက်ခဲတာပဲ လို့လည်း ဖွင့်ဆိုလို့ရမယ်ထင်တယ်။ သူငယ်ချင်းတစ်ယောက် ပြောဖူးတယ် ကဗျာဆိုတာ နတ်ကြီးတယ်တဲ့။ ဒီဘဲက အထာ ရေလည်ကိုင်တယ်ဆိုပဲ ။ သူက လာတဲ့အချိန်ခေါ်ထားမှ စိတ်ဆိုးသွားရင် ဘယ်တော့ ခေါ် ခေါ်မလာဘူးတဲ့။ ဒါကသူ့စကား။ တခါတခါကျတော့လည်း (ကျွန်တော့်အမြင်) ကဗျာလာဖို့ အတွက် ငါးစာချရသလို ကဗျာစာ ချရတယ်။ တနည်းအားဖြင့်ကဗျာ နိုးဖို့ ကဗျာနဲ့ နှိုးရတယ်လို့ မြင်မိပြန်ရော ကဗျာရေးချင်နေတယ် စိတ်က ဒါပေမယ့် ကဗျာ ဖြစ်လာဖို့ အကြောင်းအရာ စာသား အဓိပ္ပာယ်များ ဘာတစ်ခု မှ စိတ်ထဲက ထွက်ကျမလာဘူး။ အဲဒီလို အချိန်တွေမှာ ကဗျာနိုးဖို့ ကဗျာအင်ဂျင်ကို မီးရှိုးပေးဖို့ ကြိုးစားကြည့် မိတယ်။ ကဗျာ စာ အဖြစ်တော့ ကဗျာတွေ ချ ချပြီး ကျွေးကြည့်ရတာပေါ့။ အဲဒီအခါ ကဗျာက …………..
ကျွန်တော့်ဆီရောက်လာပါတယ်။ ရောက်လာတဲ့အခါ ရောက်လာတဲ့အတိုင်းလေး ထား ။ သူ့ကို လှည့်ပတ်ကြည့် ကျောက်တစ်လုံးကို ကြည့်သလိုမျိုး မမြင်ဖူးတဲ့လူတစ်ယောက်ကို ကြည့်သလိုမျိုး အပြစ်ရှာဖို့ ကြည့်သလိုမျိုး။ အလှဆင်ဖို့ ကြည့်နေတဲ့ ပန်အလှပြင်သမားတစ်ယောက်လို မျက်လုံးမျိုးတွေ စိတ်တွေနဲ့ ကဗျာကို။ အဲဒီအချိန်မှာ အသက်ဘယ်နှစ်ချက်ရှုမိလည်း သတိထားမိချင်မှ ထားမိမယ်။ အဲဒီအချိန်မှာ ရုတ်တရက် အသံတစ်သံကြောင့် လန့်ဖျန့်သွားနိုင်ချင်လည်း သွားနိုင်မယ်။ သတ်သွားမယ်ဆိုရင်တောင် နောက်ကျောဟာ အလိုအလျောက် ဖွင့်ထားပြီးသား။ မြင်သမျှဟာ လိုင်းတွေ စာလုံးတွေ အကြောင်းအရာတွေ အဓိပ္ပာယ်တွေ စီးဆင်းမှုတွေ ဖြတ်သန်းသွားသမျှ ရေးလိုက်ဖျက်လိုက် ပေါ်သမျှ ပျောက်လိုက် ခေါ်လိုက်။ ကဗျာတစ်ပုဒ်လို့ နာမည်တပ်ဖို့ ကဗျာတစ်ပုဒ်အပေါ် နှစ်မြုပ်ထားမှုတွေ။ မျက်လုံး တနေရာက တနေရာ ရွေ့လျားသွား လိုင်းတလိုင်းမှ လိုင်းတလိုင်း၊ ဥပဒေသများ၊ တောစည်းကမ်း၊ တောင်စည်းကမ်း မရှောင် အကြောင်းအကျိုးဆက်စပ်မှုများ။ တွယ်ချိတ်ထားမှုများ၏ အဆက်စပ်ပြတ်တောက်မှု၊ ကဗျာပါ ဘာသာ စကားများ အချိုးကျ စတင်လှုပ်ရှား ကဗျာရေးသူနဲ့ ကဗျာ။ ကဗျာနှင့် အကြောင်းချင်းရာလိုက်လျောမှု ကဗျာပါ စာသားများ ၀ါကျများအပေါ် အလိုလိုက်သင့်/မသင့်။ (ကဗျာရေးသူ၏)စိတ်အလိုလိုက်သင့် မသင့်။ စဉ်းစားရင်း ကဗျာ တစ်ပုဒ်ဟာ အကြောင်းအရာ မယ်မယ်ရရ၊ အဓိပ္ပာယ်ဟုတ်တိပတ်တိ။ ကဗျာဖတ်သူအား ကျေနပ်မှု ပေးနိုင်မပေးနိုင်၊ စဉ်းစားဆင်ခြင်မှု ရည်ရွယ်ချက်ရှိရှိမဲ့စွာ စကားလုံးပေါင်းများစွာ ခင်ဗျားတို့ လက်ထဲ တွန်းပို့လိုက်မိပါတယ်။

(အနုပညာ)နည်းနည်း ရောထည့်လိုက်တယ်။ နီးနီးထိလု ပြီးသွားတတ်ပျံ မီးတွေ ၀ပြီ မှိုင်းပုံးကြီး။

ခင်မင်လေးစားလျှက်
တည်ရ