ကဗျာ တိုတို တစ်ပုဒ်ဖြင့် သမိုင်း ရှည် ရှည်ကို ဖြတ်သန်းခြင်း

လွန်ခဲ့သော နှစ် ၄၀ လောက်က ကျွန်တော်သည် တစ်ခုသော တက္ကသိုလ်၌ ပထမနှစ်
ကျောင်းသား တစ်ဦး အဖြစ် ပညာ သင်ကြား ခဲ့ဖူးသည်။ ရန်ကုန်မြို့မှာ အခြေချ
နေထိုင်သူ မဟုတ်သော ကျောင်းသားတိုင်း အဆောင် နေခွင့်ပြုသည့် ထိုခေတ်က
မူအရ သမိုင်းဝင်းထဲရှိ ကျောင်းဆောင် တစ်ဆောင်၌ ကျွန်တော် နေထိုင်ခွင့်
ရခဲ့၏။ ပထမနှစ် ကျောင်းသားတစ်ယောက်သည် အခြားသော ပထမနှစ် ကျောင်းသား
တစ်ယောက်နှင့် တွဲလျက် တစ်ခန်း နှစ်ယောက်နေ စနစ်မှာ ကျွန်တော်တို့
ခေတ်ကာလ တက္ကသိုလ် အာဏာပိုင်များ၏ ပြငှာန်းချက်။ ကျွန်တော့် အခန်းဖော်
ကျောင်းသားမှာ ကရင် လူငယ်တစ်ဦး။ အမေက ခေတ်ပညာတတ် အထက်တန်း ကျောင်းအုပ်
ဆရာမကြီး ဖြစ်၍ အဖေမှာ သစ်ကုန်သည် တစ်ဦး ဖြစ်သည် ဟုသိရသည်။ သူ့ နာမည်က
စော ခရစ်ရှန် လော။ Saw Christian Law ။။ ခရစ်ယန် ၀ါဒ ၀ိနည်းဥပဒေ ဟု
အနက်ပြန်နိုင်မည် ထင်ပါသည်။

ကျွန်တော်က သူ့အား ချစ်စနိုးဖြင့် " ခရစ် " ဟု ခေါ်တိုင်း သူက
ပြုံးစေ့စေ့။ အရပ် မြင့်မြင့်။ ဆံပင် ကောက်ကောက်။ရိုးသားသော စိတ်ထား ရှိ၍
မျက်နှာထား ချိုသူ။ ထိုစဉ်က ထင်ရှား ကျော်ကြားသူ ရုပ်ရှင် မင်းသား
အောင်လွင် နှင့် ရုပ်ချင်း ခတ်ဆင်ဆင်။ ဘာသာ တရား ရိုသေ ကိုင်းရှိုင်းသူ။
တက္ကသိုလ်ဝင်တန်း စာမေးပွဲ ပထမ အကြိမ် ဖြေဆိုရာမှာ မြန်မာစာ အောင်မှတ်
မရသဖြင့် တစ်နှစ် ပြန်၍ဖြေခဲ့ရသူ။ သူနှင့် ကျွန်တော်မှာ တစ်ခဏတာ
အချိန်အတွင်း ငယ်ပေါင်း ကြီးဖော် သူငယ်ချင်း အရင်းအချာများ ဖြစ်သွားခဲ့၏။
မကြာမီ သူ စွဲစွဲ လန်းလန်း ဖတ်ရှုလေ့ရှိသော သမ္မာကျမ်းစာ အရွယ်အစား
မျိုးစုံမှာလည်း ကျွန်တော်အတွက် အိပ်ရာဝင် ပုံပြင် စာအုပ်များ
ဖြစ်လာခဲ့ကြသည်။

ကျမ်းစာလာ အာဒံ နှင့် ဧ၀ ၊ နောဧ ၊ အာဗြံ ၊ ယာကုပ် ၊ မောရှေ ၊ အာရုန် ၊
ယောရှု ၊ ရှောလု အစရှိသော ရှေးလူဟောင်းများသည် ကျွန်တော်နှင့် အတွင်းသိ
အစင်းသိ ဆွေမျိုး ရင်းချာများ ကဲ့သို့။ ထိုအချိန်က ကျွန်တော်သည်
အနောက်တိုင်း စာပေ ၊ ၀တ္ထု နှင့် ကဗျာတို့ကို အင်္ဂလိပ် မူဖြင့် စွဲစွဲ
မြဲမြဲ ဖတ်ရှုနေရာ သူသည် ကျွန်တော့် အတွက် walking dictionary ။ " ဟကောင်
၊ western literature နဲ့ western philosophy တို့ကို ဖတ်ရင်
Christianity က မသိမဇြစ် အရေးကြီးတယ်ကွ ။ " ဟူသော သူ့အကြံပေးချက် မှာ
ကျွန်တော် ဘယ်လိုမျှ မျက်ကွယ် မပြုနိုင်သော အမှန် စကား ။ ( နောင်
စာဖတ်သက် ရင့်ကျက် လာသောအခါ ဆရာမကြီး ဒေါ်ခင်မျိုးချစ် ကလည်း ထိုသဘောမျိုး
ရေးသား ထားသည်ကို ဖတ်ရှု ခဲ့ရသည် ။ )

ဤသို့ဖြင့် ဓမ္မ ဟောင်းကျမ်းဝင် ကမ္ဘာဦးကျမ်း ၊ ထွက်မြောက်ရာကျမ်း ၊
ဝတ်ပြုရာကျမ်း ၊ တောလည်ရာကျမ်း ၊ တရားဟောရာကျမ်း တို့မှာ ကျွန်တော်
ခြေရာချင်း ထပ်လောက်အောင် အလျှောက်အသွား များခဲ့ရ၏ ။ အထူးသဖြင့်
ကျွန်တော့် စိတ်ဘ၀င်၌ အငြိတွယ်ဆုံး ကတော့ exodus ခေါ် ထွက်မြောက်ရာကျမ်း ။
ဖာရော ဘုရင် နန်းစံရာ အီဂျစ် နိုင်ငံတွင် ကျွန်သဘောက် ဘ၀ဖြင့် ညှင်းပန်း
နှိပ်စက်ခံရသူ အဇ္ဖရေး လူမျိုးများ ပင်လယ်နီ ကို ဖြတ်သန်း၍ ဗျာဒိတ်ခံ ဒေသ
( Promised Land ) သို့ ထွက်ပြေး လွတ်မြောက်သော ခရီးကြမ်း ။ ဒါရိုက်တာ J
Cecil B. DeMille ရိုက်ကူးသော The Ten Commandments ရုပ်ရှင်ကား၌ ထို
ဇာတ်ဝင်ခန်းသည် ယခုခေတ် computer effects များကို ပုခုံးချင်း
ယှဉ်နိုင်လောက်သည် ။ ပစ္စုပ္ပန် ခေတ် နိုင်ငံရေး ပဋိပက္ခ အားလုံး၏
အခေါင်အချုပ် ။

အမှန်မှာ ဤခရီးရှည်ကြီးကို ဦးဆောင်ခဲ့သူမှာ လေ၀ိ မျိုးနွယ် မောရှေ ။
မောရှေသည် ထာဝရ ဘုရားသခင် နှင့် ပဌာန်းဆက် ရှိသူ ။ ထာဝရ ဘုရား
အကူအညီဖြင့် ပင်လယ်နီကို ဖြတ်ပြီးနောက် မောရှေ နှင့် အဇ္ဇရေး
လူမျိုးတို့သည် Mount Sinai ခေါ် သိန တောင်ခြေ၌ နားနေကြသည် ။ ထိုစဉ်
မောရှေ မှာ ပညတ်တော် ဆယ်ပါး အား ထာဝရ ဘုရား ထံမှ လက်ခံ နာယူရန်
တောင်ပေါ်သို့ ရက်ပေါင်း လေးဆယ် နှင့် ညပေါင်းလေးဆယ်ကြာ ထွက်ခွာ သွားရ၏ ။
ထိုအချိန်တွင် အဇ္ဖရေး လူမျိုးများက မောရှေ ပြန်မလာ တော့မှာကို
စိတ်ပူပန်လျက် မောရှေ၏ အစ်ကိုရင်း အာရုန် အား ယဇ်ပူဇော်ရန်
တောင်းပန်ကြသည် ။ အာရုန်က ထိုသူတို့ နားမှ ချွတ်သော ရွှေ နားတောင်း များ
အား နွား သူငယ်ရုပ်ကို သွန်းစေ၏ ။ နောက်နေ့တွင် အဇ္ဇရေး လူမျိုးတို့
ယဇ်ပွဲသဘင် ဆင်ယင် မြူးတူး ကခုန် ကြလေသည် ။

မောရှေ တောင်ပေါ်မှ ဆင်းအလာ ရွှေ နွားသူငယ် ရုပ်တုကို မြင်ရသောအခါ အမျက်
ထွက်သဖြင့် ပညတ်တော် ဆယ်ပါး ရေးထွင်း ထားသည့် ကျောက်ပြားများကို ချ၍
တောင်ခြေရင်း၌ ချိုးဖဲ့၏ ။ သူတို့လုပ်သော နွား သူငယ်ရုပ် ကိုလည်း ယူ၍
အရည်ကျို၏။ ညက်ညက် ခြေပြီးမှ ရေပေါ်မှာ ဖြူး၍ အဇ္ဇရေး လူမျိုးတို့ကို
သောက်စေ၏ ။ ထိုမိစ္ဆာ ဒိဌိ အယူမှား ကို လက်ခံ ယုံကြည်သူ အဇ္ဖရေး လူမျိုး
၃၀၀၀ ခန့်ကို မောရှေက ထာဝရ ဘုရား အမျက်ပြေစေရန် သုတ်သင် ခဲ့သည်ဟု
ကျမ်းစာများက ဆိုထားကြသည် ။

In My Grandfather's Library
by John Montague

In my grandfather's library
there were many volumes ,

Bibles massive as flagstones ;
heavy print my eyes could crawl along :

the thunder of the Old Testament .

I climbed the Mount with Moses ,
stood in the presence of the Lord ,
or listened as he spake from a cloud .

For , lo , I had suffered the long exodus
from Brooklyn , and New York , where
they worshipped the Golden Calf

which now staggers , newly born ,
rasped clean by its mother's tongue ,
on the cobblestones of our farmyard .

ကဗျာက တိုတို တုတ်တုတ် မျှသာ ။ ကဗျာဆရာ John Montague ငယ်ငယ်က အဖိုး
နေအိမ်ရှိ စာကြည့်ခန်းမှာ ဇာတ်လမ်း စ သည် ။ စာအုပ် ထူထူများ ။
ကျောက်ပြားကြီးများ ကဲ့သို့ အလေးချိန် စီးသော သမ္မာကျမ်းများ ။
စာသားများကိုလည်း ဖတ်ရှုလွယ်လောက်အောင် ထင်ထင် ရှားရှား ပုံနှိပ်ထား၏ ။
ဓမ္မဟောင်းကျမ်း ထဲက သမိုင်း ထစ်ချုန်း မြည်ဟီးသံ ။ စင်စစ်
ဓမ္မဟောင်းကျမ်းသည် သမ္မာကျမ်းစာ၏ ဇာတ်ပျိုးပိုင်း ။ ဂျူး လူမျိုးတို့၏
သမိုင်း ၊ ယုံကြည် ကိုးကွယ်မှု နှင့် ထာဝရ ဘုရားသခင် ဗျာဒိတ် မှတ်တမ်း ။
ကဗျာဆရာ ဂျွန် မောင်ထဂယူ သည် မောရှေ နှင့်အတူ သိနတောင်ပေါ်သို့
လိုက်ပါသွားသည် ။ ထာဝရ ဘုရားကို ကိုယ်တိုင် ဖူးမြင်ခဲ့ ။ မိုးတိမ်တိုက်မှ
ဘုရား ဟောကြားသော ဒေသနာကို နာယူခွင့် ရခဲ့ ။ ထိုအခါက သူကိုယ်တိုင်လည်း
ဘရူးခ်လင်မြို့ မှ ထွက်မြောက် ပြောင်းရွှေ့ လာသူ တစ်ဦး ။

မိဘ နှစ်ပါးမှာ သူ မမွေးဖွားမီ ကတည်းက အမေရိကန်သို့ ရေကြည်ရာ မြက်နုရာ
ရှာရင်း ရောက်နေကြသည် ။ ထို အိုင်းရစ် လူမျိုး ကဗျာဆရာ သည် နျူးယော့ခ်
ပြည်နယ် ဘရူးခ်လင်မြို့ ဇာတိ ။ ၁၉၂၉ ခုနှစ် ၊ ဖေဖော်ဝါရီ ၂၈ ရက် နေ့ ဖွား
။ သူတို့ ညီအစ်ကို သုံးယောက်တို့ ဘရူးခ်လင်မြို့ လမ်းပေါ်မှာ ဆော့ကစားရင်း
ငယ်ဘ၀ကို ဖြတ်သန်းခဲ့ကြရ၏ ။ ဓာတ်ရထား လမ်းပေါ်မှာ အကြွေ ငါးပြားစေ့များ
တင်ထားကာ ရထား ဖြတ်ကြိတ်သွားသည်ကို တခစ်ခစ် ရယ်မောကြ ။ ပေါ်ဦးစ မစ်ခီး
မောက်စ် ကာတွန်း ရုပ်ရှင် ကားများ ကြည့်မောရင်း ပြုံးကြ ပျော်ကြ ။

၁၉၃၃ ခုနှစ် ကမ္ဘာ့ စီးပွားရေး ပျက်ကပ် က သူတို့၏ ရွှေရောင် ကလေး ဘ၀ကို
ပုဒ်မ ချပစ်လိုက်သည် ။ မိဘ စီးပွားရေး အဆင်မပြေ ဖြစ်လာသောအခါ သူတို့အား
ဇာတိမြေ အိုင်ယာလန် သို့ ပြန်ပို့ လိုက်သည် ။ ကဗျာဆရာ မောင်ထဂယူ သည် ဤ
အဖြစ်အပျက်ကို " ရွှေ နွားသူငယ် ရုပ် ကိုးကွယ်တဲ့ / ဘရူးခ်လင် နဲ့
နျူးယော့ခ် က / ငါ ထွက်မြောက်ခဲ့ရ ခရီးရှည် " ဟု ရေးဖွဲ့ ထား၏ ။

ရွှေ နွားသူငယ်ရုပ် ဆိုသည်မှာ ဓမ္မဟောင်း ကျမ်းထဲက ပညတ်တော် ဆယ်ပါးအား
ဆန့်ကျင်သည့် ရုပ်တု ကိုးကွယ်သည့် အယူမှားကို ဆိုလိုဟန် မတူပါ ။ " အမြတ်
အစွန်း ရမယ်ဆိုရင် စက်တိုင် တက်ရ တက်ရ " ဟူသည့် အရင်းရှင် စနစ်၏ အကျင့်
စရိုက်ဆိုး ကို စိတ်နာနာ ဖြင့် ဖွဲ့နွဲ့ စပ်ဆို ဟန် တူသည် ။

နျူးယော့ခ်မှ ခရီးကြမ်း နှင်လာသူ မောင်ထဂယူ သည် အိုင်ယာလန် နိုင်ငံ
Tyrone စီရင်စု ရှိ Clogher က အဒေါ် အပျိုကြီး နှစ်ယောက်ပိုင်
နွားမွေးမြုရေးခြံ သို့ ရောက်သွား၏ ။ နွားခြံမှာ လက်တို လက်တောင်း လုပ်ရ
။ ရွှေ နွားသူငယ်ရုပ် ကိုးကွယ်သည့် အရပ်မှ ထွက်ခွာလာသူ တစ်ဦး နွားခြံမှာ
ပင်ပင် ပန်းပန်း အလုပ်ကြမ်း လုပ်ရသည်မှာ တော့ ကံကြမ္မာ၏ ကျီစယ်မှု တစ်ရပ် ။

" ဒီ မွေးစ နွားပေါက်လေး အခုတော့ ဒယီး ဒယိုင် နဲ့
အမေ နွားမက လျှာနဲ့ လျက် သန့်စင် ပေးနေပေါ့
ငါတို့ နွားခြံထဲက ကျောက်ခင်းလမ်း ပေါ်မှာ ။ "

စိတ်ဝင်စားစရာ ကောင်းသည်မှာ ဤကဗျာ နောက်ဆုံးပိုဒ်ကို မောင်ထဂယူက မည်သည့်
စိတ်အခြေအနေဖြင့် ရေးဖွဲ့ သလဲ ဟူသော အမေး ပုစ္ဆာ ဖြစ်ပါသည် ။ အကျဉ်း အကြပ်
တစ်ခုမှ လွတ်မြောက်ပြီးခါစ ကလေး တစ်ယောက်မှာ စိတ်ခံစားချက် မျိုးစုံ
ရှိနေ နိုင်ပါသည် ။ သူ ပျော်နေ သလား ။ စိတ်လှုပ်ရှားနေ သလား ။ စိတ်
မွန်းကြပ် နေ သလား ။ စိတ်ရှုပ် နေ သလား ။ ၀မ်းနည်းနေ သလား ။ ဒေါသ ဖြစ်နေ
သလား ။ တစ်ပူပေါ် နောက်ထပ် တစ်ပူဆင့် ဖြစ်နေသလား ။ ဤ စိတ် မနော ကို
ကဗျာဖတ်သူတို့ နည်းနည်း လေး အားစိုက်ရုံဖြင့် အလင်း ပွင့်နိုင်လိမ့်မည်
ဟု ကျွန်တော် ယူဆ မိပါသည် ။

TS

အကိုးအကား ။ New Yorker : April 26 , 2010
wikipedia.com
answers.com
dictionary.com
ဆရာ ယုဒသန် မြန်မာပြန် ၊ သမ္မာကျမ်း ။