ငါငိုကြွေးလို့ရအောင် ဝမ်းနည်းစရာတစ်ခုတလေဖြစ်ဖြစ်ပေးပါ
ငါနာကျင်လို့ရအောင် ဒဏ်ရာတစ်ခုဖြစ်ဖြစ်ပေးပါ
ငါလွတ်ထွက်သွားချင်တယ် ဒီညထဲက
ဘာကိုဆာလောင်နေတာလဲလို့မေးကြည့်တယ်
ဘာစားစားအရသာမရှိဘူး
ဘာမှမပြောလိုက်ရဘူး ဒီအတိုင်းကြည့်နေရတယ် ကော်ဖီခွက်တွေ
မနက်ဖြန်ဘယ်သွားမှာလဲ မနက်ဖြန်ဘယ်ရောက်မှာလဲ
ဘာမှမပြောလိုက်ရဘူး အလိုလိုပါပဲ ဝမ်းနည်းရတယ်ဆိုတာ
အဆင်မပြေဘူးဆိုတာ တစ်ခုခုဖြစ်နေပြီဆိုတာ
တစ်ခုခုလုပ်နေမှငါရှိတယ်ဆိုတာ သတိထားမိတယ်
ဘာတွေကိုရချင်နေတာလဲ ထွက်ပြေးလို့မရအောင်ဘဲရှည်လျား
ဘာမှမဟုတ်ပါဘူးလို့လည်းအပြစ်တင်မိတယ်
ဘာမှမဟုတ်ဘူး ဟုတ်တယ်
မျက်စိလည်သွားပြီလား ဟုတ်တယ်ဆိုတာဘာမှမဟုတ်ဘူးလို့
ဘယ်အထိလိုက်ရမှာလဲ ဟုတ်တယ်ဆိုတဲ့ ဘာမှမဟုတ်တာတွေနောက်ကို
ဒီလိုတဖြည်းဖြည်း သမ်းဝေ ညွှတ်အိလေးလံ
မင်းမျက်လုံးမျက်ဖန်လေးလား အချစ်ရယ် ငါတောင့်တမိတဲ့အရာ
ဘယ်လောက်ပြေးပြေး မလွတ်ပါလား ဘယ်လောက်လျောက်လျာက်မရောက်ပါလား
ကုသိုလ်တရား အကုသိုလ်တရား
သေချာတာတွေမရှိဘူးလားလို့ နေမထိထိုင်မသာ
ဒီကဗျာ ရပ်စေချင်တဲ့နေရာမှာရပ်မသွားဘူး။
မင်းစိုးရာ
30.1.2010
No comments:
Post a Comment