Thursday, February 4, 2010

တံတား

လေထဲမှာ
ရှေ့နောက် ဘယ်ညာ ယမ်းခါလို့
ယိုင်ရွဲ့ရွဲ့ကြိုးတန်းပေါ် လျှောက်ခဲ့ကြ
မြစ်ကူးတံတားတစ်စင်းရယ်လေ
နှလုံးသားနှစ်ခုက စီးဆင်းတဲ့
မြစ်တစ်စင်းပေါ်သွယ်တန်းခဲ့။

လိုက်ခဲ့တော့ကွယ်
သေခြင်းပန်းပွင့်တို့ပွင့်ရာ ကမ်းခြေဆီ
ထာဝစဉ် မငြိမ်းမယ့်မီးလျှံကို ဖြည့်ဆည်းဖို့
မေ့လျော့ခြင်း နှင်းမှုန်ဖွဲဖွဲတွေအောက်မှာ
မပျောက်အောင် လက်တွဲခဲ့ကြနော်။

ချစ်ခြင်းရဲ့ မျိုးစေ့တွေ
မြေမှာ နစ်မြုပ်နေပေမယ့် သည်ဆောင်းလွန်ခဲ့ရင်ဖြင့်
ရာသီမိုးနဲ့အတူ သူတို့နိုးထ ပွင့်လာကြဦးမယ်
ကျိန်စာ ဆူးတွေ နေရာအနှံ့ပြန့်ကြဲလို့
မုန်းစိတ် ကလည်း စိမ့်စမ်းကို အရောင်ဆိုးခဲ့
မြတ်နိုးမှု တစ်ခုတည်းနဲ့သာ
နွယ်ကြိုးကိုခိုင်အောင်ချည်ခဲ့တယ်။ ။

ခင်မြဇင်
(၉၈ အချစ်ကဗျာ၊အချစ်ကဗျာ ၉၈ ကဗျာစာအုပ်မှ)

No comments: