စိတ်အဟောင်းထည်လေးဖြန့်ကြည့်လိုက်တော့
ရနံ့ဟောင်းလေး လွင့်ကျလာတဲ့နေ့
နေရောင်ထဲကနေရောင်
အကြည့်ချင်းအဆုံမှာ ကျောက်ဖြစ်သွားတဲ့ငှက်ကလေး
စိတ်အိုက်လက်အိုက်နေ့များ ညများ
ကျွန်တော်လည်း နံရံပေါ်ကနံရံနဲ့ လေးလေးလံလံ
မြို့အနှံ့
ရှိသမျှလမ်း အကုန်လျှောက်တယ်
အမှောင်ထဲက အမှောင်မှန်သမျှရောက်တယ်
ကျွန်တော်မသိတဲ့ကျွန်တော်ဟာ
မျက်သားအပြာနဲ့ ကမ္ဘာဆေးမိုး
ဓားအိမ်ထဲက ဓားအိမ်
ခု
ဘယ်ဓားကို ဆွဲထုတ်ရမလဲ
မသိတော့။ ။
ဘုန်းနေသွန်း
စရဏမဂ္ဂဇင်း ၊ 2005
No comments:
Post a Comment