အနာဂါတ်ကဗျာ

ကဗျာဆိုတာ
အမှန်တရားရှိရာ ရောက်ရှိသွားနိုင်ဖို့
ခြေရာခံနိုင်အောင်
ထားရစ်ခဲ့ရတဲ့   သဲလွန်စတွေပေါ့။

အရင် ဧကရာဇ် အခု အ၀တ်စ

.

တချို့လည်း ကုန်စုံဆိုင်လေးရဲ့နေရောင်ကာပစ္စည်းအဖြစ် အသုံးတည့်လို့

တချို့လည်း စားပွဲခင်းတစ်ခုနေရာမှာ သူ့ကိုတွေ့ရတတ်တယ်

အိမ်နံရံတစ်ခုရဲ့ထောင့်တစ်ထောင့်မှာလည်း ကျိုးကြေလုံးထွေး

အပတ်စဉ်ထုတ် စာစောင်တစ်ခုမှာတော့ သမိုင်းတန်ဖိုးအဖြစ် ရိုးတိုးရိပ်တိတ်

ဘုရင့်နောင်ပွဲရုံက လုပ်သားတစ်ဦးကလည်း သူ့ကို ပခုံးခုအဖြစ် အသုံးပြုလို့

တချို့လည်းပေါက်နေတဲ့ဆီတိုင်ကီကြီးကို သူနဲ့လုံးထွေးအတင်းဆို့ပိတ်

စက်သွား(ခွေးသွားစိပ်)တွေကိုလည်းကလေးတွေက ယူဆော့လို့

မီးငြိမ်းတောင်ကြီးအဖြစ်ကိုလည်း မြင်တွေ့ကောင်းမြင်တွေ့နေရ

စပါးနှံတွေကလည်းငှက်စာအဖြစ်(အသိုက်)စာအိမ်လေးတွေဘေးမှာ တွဲ လျား ကျ  လို့

မေးထူးခေါ်ပြောလုပ်သူကလည်း တဖြည်းဖြည်းမရှိသလောက်

ကြယ်တွေရဲ့အမည်နာမတွေလည်း ကြာလာတော့ခပ်မေ့တေ့တေ့

တစ်ချိန်တုန်းကဆို ခုနစ်ပြည်ထောင်မင်းအပေါင်းတို့က

သူ့ကိုအားလုံးဦးညွှတ်အလေးပြုကြ  

သူ့ကိုစူးစိုက်ပြီး ဂုဏ်ပြုတေးရွတ်ဆိုသီကျူးခိုက်

သူကလည်း လေထဲမှာ အားမာန်အပြည့်/မာန်ချီလွင့်ထည်/အကုန်သိမ်းပိုက်

ဦးညွှတ်နေသူများရဲ့ကြက်သီးမွှေးညှင်းများ ပွင့်လွှတ်/စူထွက်/မျက်ရည်ဝေ့/အားရ/မြည်ဟီးထ

“ဟောင်းနွမ်းနေတဲ့ မြေအုတ်တွေနေရာမှာ အသစ်သစ်သောအုတ်ချပ်များနဲ့

အစားထိုးဝင်ရောက်ခြင်း”လို့ တရားဟောဆရာတစ်ဦးကတော့

ဓမ္မသဘောနဲ့ ဖြေဆည်ရှာ 

တိုင်းပြည်တစ်ပြည်ရဲ့ ဦးသျှောင် နိုင်ငံတစ်နိုင်ငံရဲ့အမှတ်တံဆိပ်လည်းဖြစ်တယ်

တိရိစ္ဆန်ရုံထဲက ခြင်္သေ့အိုကြီးက ခြင်္သေ့ပေါက်စနလေးတွေကို နွမ်းပမ်းရိညှိုးပြောသလိုပ

ဟိုး တစ်ခါတုန်းဆီက အဖသည်လည်း တောသုံးထောင်ကိုပိုင်စိုးတဲ့

ရေမြေ့သနင်း ကေသရာဇာခြင်္သေ့မင်းဟူ၍ ..့ ဖြစ်ဖူးလေရဲ့ 

 (အသေအချာ)ဖြစ်ခဲ့ဖူးလေရဲ့  ဟိုး   တစ်ခါတု.န်းဆီက။     ။

                                                                သူရနီ

                                                                ကဗျာသရုပ်ဖေါ် ဒီဇိုင်းထိန်လင်း
http://www.kaungkin.com ကောင်းကင် နိုင်ငံပြုအနုပညာမဂ္ဂဇင်းမှ ပြန်လည်ကူးယူဖော်ပြပါသည်။ 

ရေးပြီးမှပြန်ဖျက်လိုက်ရတယ်၊ ထွင်းထုလက်စ စာသားအပိုင်းအစတွေ

အထိန်းချုပ်ခံ ဘဝကနေ လွတ်မြောက်လာရသလိုမျိုး လူတစ်ကိုယ်လုံးလွတ်လပ်ပေါ့ပါးလို့
အင်ဖော်မေးရှင်းအစီအစဉ်ကလွဲလို့ ကျန်တဲ့ချန်နယ်လ်လိုင်းတွေဖွင့်ထားတယ်
ုရန်ကုန်လာဖို့ခေါင်းစဉ်ရှာမရဖြစ်နေတယ်လို့ နီးစပ်ရာတွေက ညွှန်းနေကြတယ်
ကျန်းမာရေးအရအာဟာရလျော့ချထားရသော ဒီရုပ်သွင်
မြေမျက်နှာသွင်ပြင်၊ တည်နေရာ၊ အကျယ်အဝန်း အတိအကျမသိရ
ကျွန်တော် သူမကို   မ လွန် ဆန် နိုင် ဘူး
မိန်းမတစ်ယောက်ရဲ့အလှဆုံးအချိန်ဟာ ယောင်္ကျားတစ်ယောက်အပေါ်ချစ်မိနေချိန်ပဲ
ဘယ်သူ့ကိုမှ မပြောဖူးတဲ့စကားကို ရယ်ကျဲကျဲနဲ့ ကျွန်တော်ပြောခဲ့ဖူးတယ်
ဂျင်းန်ပင်အပြာဖျော့ တီရှပ်အနွမ်းလေးဝတ်ထားလည်း အဆင်ပြေတာပဲလေ
ဂျက်စတင်ဘီဘာကို တစ်ဖက်သက်ချစ်နေခွင့် မပိတ်ပင်ရဘူးဆိုတဲ့ ကျွန်တော့်ချစ်သူ
အသံတွေကနံရံကိုထိမှန်ပြီး ကန်ထွက်လာတယ် “ ရန်ကုန်ပြန်မယ်” တဲ့
ပင်ပန်းမှုဒဏ်ကိုခံနိုင်စေဖို့ နျူထရီဗိုက်တာအားဆေးကြော်ငြာ
ဆောက်လုပ်ရေးလုပ်ငန်းခွင် စားစရာမရှိ၊ လျော်စရာရှိ နေ့စားနေရာတစ်နေရာ
အပေါင်း၊ အနူတ်၊ အမြှောက်၊ အစား နောက်ဆုံးရလဒ် သာမန်လူတန်းစား
တိတ်ဆိတ်သောအသံဆွံ့အနေလျှက် ဘော်ဒီလန်းဂွေ့ခ်ျနဲ့ပဲနူတ်ဆက်လိုက်တယ်
ကျွန်တော်လား  “ဂိုဒေါ့” ကိုစောင့်နေတာလေ
ကွန်ကရစ်လမ်းပေါ်ကလွင့်စင်ပဲ့ထွက်လာတဲ့ ကျောက်သားတစ်စ
လာ့ဂေ့ခ်ျ အနီရောင်တစ်လုံး၊ မျက်နှာသုတ်ပုဝါ နှစ်ထည်၊ အပြာရောင်အိပ်ရာခင်း၊
မိုလ်ဘိုင်းဖုန်း တစ်လုံး၊ ဖလင်ကော်ပြားတစ်ချပ်၊ စာအုပ်စာတမ်း အနည်းငယ်
စောင့်ကြည့်ရမယ့်ကစားသမားဟာ ကျွန်တော်ကိုယ်တိုင်ပဲ
ဘယ်လောက်နက်ရှိုင်းမယ်လို့ ခန့်မှန်းလို့မရ၊ မှန်းဆမမြင်နိုင်
စိတ်ရောကိုယ်ပါတစ်ထပ်တည်း ကပ်နေတုန်း ကျွန်တော်ခုန်ချလိုက်မိတယ်


အောင်ပိုင်စိုး

အသံတိတ် ရုပ်ရှင်

ကျည်ဆံကို ပန်းအိုးလုပ်
မေတ္တာတရားကို ပန်းလိုထိုးစိုက်
သစ္စာတရားကို  ဘုရားမှာဆုပန်
တရားသောစစ်ပဲဖြစ်ဖြစ်
မတရားသောစစ်ပဲဖြစ်ဖြစ်
မျက်ရည်ဟာ တောင်ကျချောင်းလိုစီးတယ်
နာကျင်စရာဟာ သွေးစိမ်းရှင်ရှင် စီးကျတယ်
ပတ်ဝန်းကျင်မှာ တံလျှပ်တွေထနေတယ်
ညီလေးလည်း မရှိတော့ဘူး
အမေလည်းဘယ်ရောက်နေပြီလဲ မသိဘူး
ပြေးစရာ မြေလဲမရှိ
သောက်စရာ ရေလဲမရှိ
စားစရာ အာဟာရလဲမရှိ
စာနာစိတ်ကို  ထိခိုက် ဖွဲ့ဆိုဖို့
ကဗျာဆရာမှာ စကားလုံးမရှိဘူး။

အောင်ပိုင်စိုး

ကဗျာတူ ကဗျာကွဲ ကဗျာစာအုပ်ထွက်ရှိခြင်း

သူရနီ၊ ဆူးရင့်အိမ်၊ ဘုန်းနေသွန်း၊ မင်းစိုးရာ၊ အောင်ပိုင်စိုး တို့ ရေးသော
(ကဗျာတူ ကဗျာကွဲ) ကဗျာစာအုပ် အိပ်မက်ရိပ်စာပေမှ ထွက်ရှိကြောင်း။

မျက်နှာဖုံး နှင့် အတွင်းပန်းချီ -မုတ်သုံ

ကျောက်ခဲနှစ်လုံးကို ငှက်တစ်ကောင်နဲ့ ...

(၁)
Two Stones with One Bird
By   Charles Bernstein

Re-
demption
comes
&
redemp-
tion
goes
but
trans-
ience
is
here
for-
ever.

Source: Poetry မဂ္ဂဇင်း ၊ ဇွန်လ ၂၀၀၈ခုနှစ်။

(၂)

ကျနော်တစ်ယောက် ဒီရက်ပိုင်း တနင်္ဂနွေနေ့များမှာ ကွန်ပြူတာဂိမ်းတို့ဖြင့်တော်တော် အလုပ်ရှုပ်နေရသည်။ ကျနော့် ကိုယ်ပိုင် စိတ်အခြေခံအရဆိုလျှင်ထိုဂိမ်းများနှင့် ကျနော်မှာ ဘယ်လိုမျှ အဆက်အစပ်ရှိစရာပင် မလိုပါ။
အင်တာနက်ပေါ်ရှိ ဂိမ်းစာမျက်နှာများကိုဝင်၊ အစမ်း ကစားကြည့်၊ သူငယ်တန်းအရွယ် ကလေးငယ်တစ်ယောက် ဥာဏ်ရည်ဖြင့် ကစား၍ ရနိုင်မည် ထင်ပါကဒေါင်းလုဒ်ဆွဲယူ၊ ကိုယ်ပိုင် ကွန်ပြူတာ၌ ဆေ့ဗ်လုပ်။ အတော် အလုပ် ရှုပ်ရသည်။ တစ်ခါတစ်ခါ လိုအပ်ပါက ကိုယ့်ထက် တတ်ကျွမ်းနားလည်သူ “လူငယ်လူကောင်း”အပေါင်းတို့အား ချော့မော့ ဆရာတင်ကာ ကိုယ် နားမလည် သည်တို့ကို မေးမြန်းသင်ယူရသေး၏။ 

adventure games၊ board games၊ card games၊ fighting games၊flying games၊ funny games၊ logic games၊ puzzle games၊ skill games၊shooting games၊ sport games၊ car games စသည့် ဂိမ်းပေါင်း
မြောက်များစွာနှင့် ကျနော် ရင်းနှီး ကျွမ်းဝင် ပတ်သက်နေရသည့် အဖြစ်။အဓိက တရားခံကတော့ ယခုအခါ အိမ်ထောင်ကျ တစ်အိုးတစ်အိမ်ထူထောင်နေပြီဖြစ်သည့် သမီးကြီး။ သူတို့က ခေတ်ပေါ် ကုန်ဈေးနှုန်းကို
လိုက်မီရန် တနင်္ဂနွေနေ့ ဈေးပိတ်ရက်မှာပင် အိမ်တွင် အေးအေးလူလူ အနားယူအပန်းမဖြေနိုင်ကြပဲ ပျံကျဈေး၌ ဆိုင်ခင်းထွက်ကြရသည်။ဤသို့ဖြင့်သူ့သား၊ကျနော့်မြေး(မျောက်လောင်းအကျော်မြေးတော်မောင်)ကိုထိမ်းကျောင်းရန်
တာဝန်မှာကျနော့် ပုခုံးပေါ်သို့ တည့်တည့် မတ်မတ်ပင် ဆိုက်ရောက်လာတော့ပေသည်။ 

ဒီကလေးကလည်း သူ့အိမ်တွင် ဘယ်လိုပင်နေရသည်ဖြစ်စေ၊ကျနော့်အိမ်ရောက်ပြီဆိုလျှင်တော့ အကဲတကာ့ ထိပ်ခေါင်၊ အဆော့အရာတွင်ပြိုင်စံရှား။ တစ်ချက်ကလေးမျှ ငြိမ်ငြိမ်ထိုင်မနေတတ်သည့် ကလေးစားမျိုး။
အာဂ အကဲဝိဇ္ဖာကလေး။ သူ့အိမ်၌ မိခင်၏ တင်းကြပ်သော စည်းမျဉ်း၊စည်းကမ်းပေါင်း သောင်းခြောက်ထောင်အောက်မှာ ငြိမ်ဝပ် ပိပိပြားပြားရှိနေတတ်လည်း ကျနော့်အိမ်တွင် အတိုး၊ အရင်းပေါင်း၍ အကြီးအကျယ်သောင်းကျန်း ဆိုးသွမ်းနေ တော့၏။ကျနော်၏ ကြင်ယာ ချစ်ဇနီးကိုယ်တိုင်မှာလည်း ခွဲစိတ်ကုသခံထားရသောခြေထောက်ကြောင့် မြေးတော်မောင်ကို လိုက်မဆွဲနိုင်သဖြင့် ထိုမျောက်သား
ပေါက်အား ကျနော်ကိုယ်တိုင် ကွန်ပြူတာရှေ့ ဆွဲခေါ်ထားပြီး ကွန်ပြူတာဇာတ်သွင်းထားလိုက်ရသည်။ ပထမဦးဆုံးကတော့ webpages များတွင် လွယ် လင့်တကူဝင်ရောက် ရှာဖွေဖတ်ရှုနိုင်သော Kid English သင်ခန်းစာများ။ အင်တာနက်ဆက်သွယ်မှုကလည်း ကမ္ဘာ့စံချိန် ချိုးလောက်အောင် နှေးကွေး လေးလံ
လွန်းလှသဖြင့် ဤနည်းမှာ ကလေးတစ်ယောက်ကို ငြိမ်ဆေး မကျွေးနိုင်ကြောင်းကျနော်ကိုယ်တိုင် လက်တွေ့ စမ်းသပ် သိရှိလာသောအခါ online language gamesများဆီသို့ ခြေဦး လှည့်ကြည့်သည်။ ဒါကလည်း ပထမနည်းအတိုင်းပင် အဆင်မပြေပါ။နောက်ဆုံး ဂိမ်းပေါင်းများစွာကို မြေး တော်မောင်နှင့်အတူ ကစား
ဖြစ်သွားမိသည်။ ဤသို့ဖြင့် ကျနော်တို့ မြေးအဘိုးနှစ်ယောက်ကွန်ပြူတာဂိမ်းမှာ ဘုံရပ်တည်မှုတစ်ရပ် တည်ဆောက်ဖြစ် သွားမိလေသည်။ထောင်သောင်းမက များပြား ပွေလီလှသည့် ဂိမ်းပေါင်းများစွာအနက်
မြေးတော်မောင်က shooting games များကိုသာ ပိုမို နှစ်သက် ခုံမင်သည်။Plants & Zombies နှင့် Angry Birds ဂိမ်းတို့မှာ သူ၏ ဖေးဖရိတ်ဂိမ်းများဖြစ်လာ၏။ အထူးသဖြင့် အချုပ်အနှောင်ခံနေရသည့် လှောင်ချိုင့်များထဲက
ငှက်များ လွတ် မြောက်အောင် ငှက်ခေါင်းပြတ်များဖြင့် ပစ်ခတ် ကယ်တင်ရသောAngry Birds ဂိမ်းကို သူပို၍ သဘောကျ နှစ်ခြိုက်၏။တိုက်ရိုက်ပစ်ခတ်ရသည်လည်း ရှိ သည်။ တစ်ဆင့်ခံ ပစ်ခတ်ရသည်လည်း ရှိသည်။
အထူးသဖြင့် TNT ယမ်းပုံးများကို ထိအောင်ပစ်ခတ်ကာ ပေါက်ကွဲစေပြီးငှက်လှောင်အိမ်များ ကျိုးပဲ့ ပျက် စီးသွားအောင်လည်း လုပ်၍ရသည်။ငှက်အကောင်လိုက်ဖြင့် ကျောက်ခဲများ ပြိုကျအောင် ပစ်ခတ်ကာ
ငှက်လှောင်အိမ်များကို ဖျက်ဆီးသည့် ဂိမ်းပရိုဂရမ် တစ်ခုကို ကျနော်တို့မြေးအဘိုး ၀င်ရောက် ကစားမိသောအခါ လွန်ခဲ့သည့် သုံးနှစ်ခန့်က Poetryမဂ္ဂဇင်းတွင် ကျနော် အမှတ်တမဲ့ ဖတ်ရှုခဲ့ရသည့် က ဗျာ တစ်ပုဒ်အား ဖျတ်ကနဲ
သတိရသွားမိ၏။ 

“ကျောက်ခဲနှစ်လုံးကို ငှက်တစ်ကောင်နဲ့...။” 

ထင်ရှားကျော်ကြားသည့် L= A =N = G= U= A= G= E ကဗျာ ဆရာ ချားလ်စ် ဘန်းစတိုင်းရဲ့ကဗျာတစ်ပုဒ်။

(၃)

ကျောက်ခဲနှစ်လုံးကို ငှက်တစ်ကောင်နဲ့...

သိတ်
ခါ အဖတ်ဆယ်တာတွေ
လာ
ပြီး
သိက္ခာ အ
ဖတ်ဆယ်တာတွေ
သွားကြ
ဒါပေမယ့်
နေ့မြင် ည
ပျောက် တရား
ရှိနေပြီ
ဒီမှာ
အမြဲ
တမ်း ။

ကဗျာက ဒီလောက်ပါ။ အနောက်တိုင်း ကဗျာတွေ ကျိုးတိကျိုးကျဲလောက်ဖတ်ဖူးကြသူတွေတောင်မှ  ချားလ်စ် ဘန်းစတိုင်း ကဗျာကို ဖတ်ပြီးတာနှင့် တစ်ပြိုင်နက် ဤကဗျာသည် For men may come and men may go, / But I go on forever ဆိုတဲ့ Alfred Lord Tennyson ရဲ့ ကမ္ဘာကျော် နိဗ္ဗိန္ဒ တေး သွားလင်္ကာThe Brook ကို မျက်စေ့ထဲ ပြေးပြီး မြင်ယောင်ကြမှာ အမှန်ပါ။ ၂၀ရာစု အကုန်ပိုင်းလောက်ကတောင် ဒီကဗျာကို တက္ကသိုလ်ဝင်တန်း ပင်ရင်း အင်္ဂလိပ်စာမှာထည့်သွင်း ပြဌာန်းခဲ့သေးသည်။ ထို The Brook ကဗျာကို ချားလ်စ် ဘန်းစတိုင်း
ကဗျာဖြင့် နှိုင်းယှဉ် ကြည့်လိုက်လျှင်ပင် လန်းဂွစ်ဂ်ျ ကဗျာဖွဲ့စည်းပုံကို အကြမ်းဖျင်း မြည်းစမ်း ရိပ်စားခြုံငုံနိုင်လိမ့်မည်
ထင်ပါသည်။အင်္ဂလိပ် ဘာသာစကား အသုံးအနှုံးတွင် 'to kill two birds with one stone' ဟုidiom အဆိုတစ်ရပ် ရှိသည်။ မြန်မာစာ အသုံးက “တစ်ချက်ခုတ် နှစ် ချက်ပြတ်”ဆိုသလို စကား ပရိယာယ်မျိုး။ အား ၀ါယမ သိတ်ပြီး မစိုက်ရပဲ တစ်ခုခုကိုအလွယ်တကူ ပြီးမြောက်သည့် အဖြစ်ကို ခိုင်းနှိုင်း သုံးစွဲမှု။ သို့တည်းမဟုတ် စိုက်ထုတ်မှုတစ်ရပ်တည်းဖြင့် ပြဿနာနှစ်ရပ် တစ်ပြိုင်တည်းဖြေရှင်း ဆောင်ရွက်နိုင်သည့် အဖြစ်ကို ရည်ညွှန်း သုံးစွဲသည်။ယခု 'Two stones with one bird ' ကမူ ဆန့်ကျင်ဘက် အဓိပ္ပါယ်ဆောင်လိမ့်မည်
ထင်ရပါသည်။ online dictionary တစ်ခု ဖြစ်သည့် urban dictionary ကတော့ 'killing two stones with one bird ' ဟူသော စကားပိုဒ်ကို “လုပ်ဆောင်ဖြည့်ဆီး ဆောင်ရွက်ရန် မဖြစ်နိုင်သည့် အလုပ်မျိုးကို အချိန်ပေါင်းများစွာ၊ ၀ါယမ စိုက်ထုတ်မှုပေါင်းများစွာ အဆုံးရှုံးခံ၍နည်းလမ်း အသွယ်သွယ်ဖြင့် ပေါက်မြောက်အောင် ဆောင်ရွက်ခြင်း”ဟု အနက်ပေးထားသည်ကို ဖတ်ရှုရပါသည်။ မြန်မာလူမျိုးတစ်ချို့ ပြောလေ့ဆိုထရှိသည့် “နံရံကိုခေါင်းနဲ့တိုက်” ဆိုသည့် စကား အသုံးအနှုံးလိုမျိုး။

(၄)

ကွန်ပြူတာ keyboard ပေါ်က ၀င်းဒိုး အိုင်ကွန် ခလုတ်ကို ဘယ်လက်ညှိုးဖြင့်ဆတ်ကနဲ ဖိနှိပ်လိုက်သည်။ window page က လေးတိလေးတွဲ့ဖြင့် တစ်ဖြည်းဖြည်းပေါ်လာသည်။ မျက်နှာချင်းဆိုင် ကွန်ပြူတာ မှန်သားပြင် ဘယ်ဘက်
အလယ်လောက်တွင် ကျနော် လွန်ခဲ့တဲ့ ရက်သတ္တပတ်က install လုပ် ထားသည့် AngryBirds အိုင်ကွန်ကို ကျနော့် မြေးက မျက်လုံးတောက်တောက်ဖြင့်ငေးစိုက်ကြည့်နေ၏။ left click တစ်ချက် ထပ်ပေးလိုက်သောအခါ loading... ဟုစာသားအတို တစ်လုံး ပေါ်လာသည်။ ဂိမ်းစာမျက်နှာပေါ်က start အိုင်ကွန်ပေါ်ကျနော် နောက်ထပ် တစ်ကြိမ် left click တစ်ချက်ပေး လိုက်သောအခါကျမှမြေးတော်မောင် မျှော်လင့် စောင့်စားနေသည့် ဂိမ်းစာမျက်နှာက ကွန်ပြူတာ
မှန်သားပြင်ပေါ် တက်လာ၏။ ကျနော့် မြေးအတွက် “ဒေါ သအိုး ငှက်များ“ ဂိမ်းကအဆင်သင့် ဖြစ်ပြီ။

လက်ရှိ ကစားမည့် ဂိမ်းအတွက် ညာဘက်ခြမ်းတွင် သုတ်သင် သတ်ဖြတ်ရမည့်ပစ်မှတ်က မျောက် ၁၂ ကောင်။ သူတို့က အကာအကွယ်ကောင်းကောင်းယူထားနှင့်ပြီးသား။ ရေခဲချပ်တွေ၊ ကျောက်ပြားတွေ၊ သစ်သား ဒေါက်တိုင်တွေ။မျောက်တွေ ခိုအောင်းရာအပေါ်တည့်တည့် သစ်သားနှင့် ကျောက်ပြားခင်းစင်ပေါ်တွင် ကျောက်ခဲတစ်ချို့။ နှစ်လုံး တစ်စင်။ သုံးလုံး၊ လေးလုံးတစ်စင်။ မျောက်တွေကို တည့်တည့် မှန်အောင် ပစ်နိုင်လျှင်ပစ်၊ သို့မဟုတ်ကျောက်ခဲ များ ပြိုကျသွားအောင် ပစ်ချနိုင်မှ ထိုမျောက်တွေ ကွန်ပြူတာ
မှန်သားပြင်ထက်မှ ပျောက်ကွယ်သွားအောင် လုပ်ဆောင်နိုင်ပေလိမ့်မည်။ ယခင်ကစားနေ ကျ ဂိမ်း level အဟောင်းတုန်းက လှောင်ချိုင့်ထဲမှာ ငှက်အရှင်တွေ။အခုတော့ ပြောင်တိ ပြောင်စပ် မျက်နှာပေးဖြင့် မျောက် ၁၂ ကောင်။ ပစ်မှတ်ပြောင်း သွားသော်လည်း ဂိမ်းအခြေခံ သဘောမှာ တစ်ထပ်တည်း။ ထိုမျောက် ၁၂
ကောင်စလုံး အပြတ်ရှင်းနိုင်လျှင် ဂိမ်းတစ်ဆင့် အောင်မြင်ပေလိမ့်မည်။ဘယ်ဘက် player ဘက်ခြမ်း၌ သားရေခွတစ်လက်။ ကျည်ဆံ လောက်စာအဖြစ် အသုံးပြုပစ်ခတ်ရမည်ကတော့ စိမ်းပြာရောင် ချိုးငှက်တစ်ကောင်၊ အ ရွယ်အစား ငယ်ငယ်ငှက်ခေါင်းပြတ် အပြာ ၂၊ တြိဂံပုံ ငှက်ခေါင်းပြတ် အ၀ါ ၂၊ ပင်ဂွင်းငှက်နှင့် ခပ်ဆင်ဆင် နောက်ထပ် အမည်းရောင် ငှက်ငယ်တစ် ကောင်။ဂိမ်းစာမျက်နှာ လုဒ်ဒင် ပြီးသွားသည်နှင့် တစ်ပြိုင်နက် သားရေခွ
လောက်စာအိမ်တွင်းသို့ စိမ်းပြာရောင် ချိုးငှက်က သူ့ဖာသာသူ အလိုအ လျှောက်ခုန်တက်လာ၏။ မြေးတော်မောင်က ကျောက်ခဲနှစ်လုံးတင်ထားသော စင်ဆီသို့ငှက်လောက်စာလုံးဖြင့် မောက်စ်ကို ခတ်ဖော့ဖော့ ဆွဲလိုက်ပြီးချိန်ရွယ်လိုက်၏။ စင်အောက်တည့်တည့်က မျောက်သုံးကောင်မှာ စင်ကိုမော့ကြည့်နေလျှက် ဂနာမငြိမ်ဖြစ်နေပုံရသည်။ မြေးသည် ကျနော့် ပေါင်ပေါ်မှာထိုင်နေရင်းက ကျနော့်ကို တစ်ချက် လှမ်းကြည့်လိုက်ပြီး မောက်စ်ကိုခတ်ဆတ်ဆတ်ဆွဲ၍ လွှတ်ထည့်လိုက်သည်။ စိမ်းပြာရောင် ချိုးငှက်က လေးလေးကန်ကန်ဖြင့် ကျောက်ခဲ နှစ်လုံးရှိရာသို့ parabolaမျဉ်းကွေးလမ်းကြောင်းအတိုင်း ပျံတက်သွားသည်။ အောက်ကမျောက်သုံးကောင်မှာကား မျက်လုံး ပေ ကလတ်၊ ပေကလတ်ဖြင့် လှုပ်လှုပ်ရွရွ။ကျောက်ခဲနှစ်လုံးကို ငှက်တစ်ကောင်ဖြင့်...။

သိတ်ခါ/ သိက္ခာ အဖတ်ဆယ်တာတွေ..။ ၀င်လာကြ၊ ထွက်သွားကြသနဲ့..။ နေ့မြင်ညပျောက် မမြဲသော တရားက ကောင်းကင်တွင် ရွာချတော့မည့် မိုးလို ခတ်ညို့ညို့မှိုင်းနေဆဲ။ ကျနော်တို့ရဲ့အသံတိတ်ရုပ်ရှင်ဇာတ်ကားထဲကလို အတိတ်ကာလတွေ။ကျနော်တို့ ရှေ့တည့်တည့်က ပစ္စုပ္ပန် အုံ့အုံ့ဆိုင်းဆိုင်း တွေ။ ကျနော်တို့အမတိ အမတန် ကံကြီးလွန်းမှ ဆုံနိုင်ကောင်း ဆုံနိုင်မည်ဖြစ်သည့်၊ကျနော့်ရဲ့ မြေးတော်မောင်တို့ရဲ့ ရွှေရောင် လင်းလက်တော့မည်ဟု
မျှော်လင့်စရာ အနာဂတ် ကာလများ...။

သစ်စိုး
မတ် ၁၅ ၊ ၂၀၁၂ ခုနှစ်။

ချက်စူ

ချက်စူ

အဝေးကိုရောက်မယ် အထင်ဇောနဲ့ မင်း အားကုန်ဟစ်အော်တယ်

ပစ်မှတ်ကိုထိမယ် အတွေးနဲ့ ခလုတ်ကို မင်းဖိညှစ်တယ်

အမှန်ကိုပြင်လို့ရမယ် စိတ်ကူးနဲ့ ခဲဖျက်ကို မင်းဖိဖျက်တယ်။

ချက်စူ

မှားတယ်လို့ ဝန်ခံစရာမလိုဘူး၊ မှန်အောင်လုပ်မယ်လို့ ပြင်ရေးရမယ်

ကြားတယ်လို့ ဝန်ခံစရာမလိုဘူး၊ မြင်ခဲ့တယ်လို့ အသုံးအနှုန်းပြောင်းပစ်ရမယ်

မုန်းတယ်လို့ ဝန်ခံစရာမလိုဘူး၊ ချစ်သင့်တယ်လို့ ပြန်ပြောင်းခေါ်ဆိုရမယ်။

ချက်စူ

စီးဆင်းနေတဲ့ ရေဟာ နောက်ကျိနေမှာပဲ

တိုက်ခတ်နေတဲ့ လေဟာ အေးမြနေမှာပဲ

လျှောက်လှမ်းနေသမျှတော့ လမ်းဟာ ဆက်ရှိနေမှာပဲ။

ချက်စူ

၂၀၁၁ ကုန်ဆုံးခဲ့ပြီဆိုတော့  နံရံမှာ ပြက္ခဒိန်အသစ်ပြောင်းဖို့လိုပြီ

ခေတ်တွေ၊ စနစ်တွေ ကူးပြောင်းခဲ့ပြီဆိုတော့ အတွေးအခေါ်သစ်တွေလိုပြီ

နည်းပညာသစ်တွေ ထွန်းကားလာပြီဆိုတော့ ရည်မှန်းချက်အသစ်တွေလိုပြီ

လူကြီးတွေ ခြေကုန်လက်ပမ်းကျနေပြီဆိုတော့ လူငယ် အသစ်တွေလိုပြီ။

ချက်စူ

အလွယ်လမ်း ဆိုတာမရှိဘူး

မင်းပုခုံးသားမှာ ရေးထိုးထားတဲ့ ဆေးမင်ကြောင်

အမှောင်ကမ္ဘာထဲ ကြယ်လိုတောက်ပလင်းနေတယ်

တစ်နေရာရာမှာ အသေအချာထိုးကျပျက်စီးဖို့ ။

အောင်ပိုင်စိုး

ကြေး သွန်း အိပ် မက်

ကျနော့်အတွက်

ငှက်တွေရဲ့ လမ်းက

ခရမ်းနုရောင်။

အိပ်တန်းပြန်

ငှက်ကလေးတို့ ရေ

ဒီ မြစ်ကမ်းမှာ

ငါ့ အလွမ်းတို့ 

မှိုင်းမှိုင်းဝေ။

သယ်သွားပါတော့

သယ်သွားပါတော့

ငါတို့ ရဲ့ 

အိပ်မက်တွေကိုလေ

ဟောဟိုက

ညနေဆီ။

စည်တယ်လေ

စည်တယ်လေ

ရီဝေရီဝေ

မစ္စစ္စပီ ရေ

ငါ့ စိတ်တွေ

အိမ်ပြန်ကုန်ပြီ။

ဆည်းဆာအရိပ်မှာ

တိတ်တိတ်ကလေး

ငါ ပြန်လာခဲ့တာပါ။

ကြိုးကြာငှက်တွေရဲ့ 

အတောင်ပံမှာ

ငါ့ ကိုယ်ငါ

အပ်နှံလိုက်ပါရဲ့ ။

မနက်ဖြန်တော့

ခြံစည်းရိုးလေးမှာ

ငါ့ အလံကို

ငါပြန်တွေ့ တန်ကောင်းပါရဲ့ ။

လေထန်နေတုန်းပဲလား

ရေဆန်ကို

ဖြတ်နေတုန်းပဲလား

ဧရာဝတီ။

သီချင်းသံတွေ

ကြားတယ်

ပန်းများဘယ်တော့ပွင့်မလဲ။

နွေဦးကကော

ဟောဟို ရထားနဲ့ 

ပါလာမှာလား။

ဒီ ရထား

ဖီလာဒဲဖီးယား ကနေ

ခြံအမှတ်(၅၄)ကို

သွားမှာလား။

ခြံအမှတ်(၅၄)မှာ

“ပါဝါ ၅၄“ စောင့်နေတယ်။

မနေ့ တနေ့ က

လေးဖြူနဲ့ တွေ့ တယ်

၅၄ မှာပေါ့ ။

၅၄ ဟာ

တရားတဲ့တေး

ဆိုတော့မယ်။

၅၄ မှာ

မြားနဲ့ လေး

မလိုတော့ဘူးလား။

မုဆိုးရာသီ

ကုန်ခဲ့ပြီလား

၅၄ ရယ်။

ရေခဲလေ

တဟူးဟူးကြား

ဖို့ တ်ဝိန်းမြို့ နားက

“၀ါတာလူး“ဘူတာကလေးမှာ

ကျနော် လွမ်းတယ်။

ချိုတူးဇော်က

ဝါရှင်တန်ရထားပေါ်

တက်သွားတယ်။

ကျနော်တို့ က

ကိုယ့်အိပ်မက်ဆီ

ကိုယ်ပြန်ခဲ့ကြတယ်။

ဘ၀က

အသိကိုပြဌာန်း

အိပ်မက်ကို

ကြေးသွန်းထားတယ်။

လွမ်းတယ်

၃၃ လမ်း

အနုပညာပုန်ကန်မှုတွေ

ကျနော် လွမ်းတယ်။

ချစ်သူရေ

ငါတို့ ဟာ

ဒဂုန်တာရာရဲ့ 

ကုတ်အင်္ကျီက

ဆင်းသက်လာခဲ့ကြတာပါ။

လွမ်းတယ်

သာမိုင်းခမ်း ကျူဗစ်ဇင်ကို

ကျနော် လွမ်းတယ်။

မစ္စစ္စပီ ရေ

တွေ့ လား

ဒီမှာ

ငါ့ ရင်အုံအပြည့်

ငါ့ ယုံကြည်ချက်တွေ။

နှင်းမုန်တိုင်းထဲ

ငန်းရိုင်းတွေ

ပျံသန်းခဲ့ကြ။

လရောင်ထဲ

မြင်းရိုင်းတွေ

ခုန်ပေါက်ခဲ့ကြ။

တောရိုင်းတောင်ရိုင်းမှာ

ငါတို့ လည်း

ကျောခိုင်းခဲ့

အမုန်းတရားကို။

သူတို့ လည်း

ကျောခိုင်းရဲ့ 

အမှန်တရားကို။

နှင်းထူထူမှာ

ဘယ်အဖြူရောင်က

ဖြူပြီး

ဘယ်အဖြူရောင်က

မဖြူဘူးလဲ။

လွမ်းတယ်

ညောင်ညိုပင်လမ်းလွဲမှာ

ဘယ်သူတွေ

ဝမ်းနည်းကျန်ရစ်လဲ။

စစ်ပွဲတခါ ရှုံးရင်

အနှစ် သုံးဆယ်ကြာတယ်။

မစ္စစ္စပီ ရေ

ငါက

သေမင်းလက်က

ထွက်ပြေးလာခဲ့သူပါ။

ငါတို့ 

မလွတ်မြောက်သေးဘူး

မစ္စစ္စပီ။

ဒီ ညနေမှာ

ငါ့ စိတ်က

မပြောမဆိုနဲ့ 

စစ်ထွက်သွားပြန်ပြီ။

ငါ့ စိတ်ကို

ငါမနိုင်တော့ဘူး

စိတ်ခိုင်ခိုင်ထား

ဧရာဝတီ။

အိပ်မက်က

အခန်းဆက်

ရှေ့ ည ဆက်မက်ပါ။

ရထားမလာခင်

ငါ့ ဓားကို

ဓားအိမ်ထဲမှာ

သမိုင်းသင်မယ်။

နရသိန်တံခါးတွေ

တို့ သွားဖွင့်မယ်။

သတင်းကောင်း ပါးပိမ့်

နှလုံးသားများ ကြားချိမ့်။

ခြံအမှတ်(၅၄)မှာ

“ပါဝါ ၅၄“ စောင့်နေတယ်။

ချိုတူးဇော်က

ဝါရှင်တန်ရထားပေါ်

တက်သွားတယ်။

ကျနော့်အတွက်

ငှက်တွေရဲ့ လမ်းက

ခရမ်းနုရောင်။

အိပ်မက်က

အခန်းဆက်

ရှေ့ ည ဆက်မက်ပါ။ ။

(၂၀၁၂ သို့ တမ်းချင်း)

အောင်ဝေး

ခေတ္တ-မစ်ရှီဂန်

၁၂-၂၇-၁၁။

ဒီဇင်ဘာ ၂၉၊ ၂၀၁၁  မိုးမခမီဒီယာမှ ကူးယူ တဆင့်ဖော်ပြခြင်းဖြစ်ပါသည်။

မြေခွေး ဈေးဝယ်ထွက်ခြင်း

(၁)
မြို့ပြယဉ်ကျေးမှုရဲ့အသက်ဟာ ရောင်းဝယ်ဖောက်ကားခြင်းလို့ဆိုရင် ဘယ်သူကမျှ ငြင်းခုံကြမယ် မဟုတ်ဘူးလို့ ကျွန်တော် ထင်ပါ တယ်။ မြို့ဆိုတာကလည်း ဈေးကိုဗဟိုပြုပြီး လူနေအိမ်ခြေတွေ ပွားများ စည်ပင် လာတဲ့ "Evolution"ဖြစ်စဉ်ပါ ။“ဒါမြို့၊ ဒါရွာ”ဆိုတဲ့ အ မိန့်ပြန်တမ်းတွေကိုလည်း နာခံကြတတ်တာ မဟုတ်ပါဘူး။  ဈေးကွက် စီးပွားရေးတစ်ခေတ်မှာ ဒီအချက်ဟာ တစ်ဖြည်းဖြည်း သိသာ ထင်ရှားစပြုလာပါပြီ။ မြို့တစ်မြို့ ဘယ်လောက်စည်ပင်ဖွံ့ဖြိုးသလဲဆိုတာ ဈေးအတွင်းရောင်းဝယ်ကြတဲ့ ၀ယ်လိုအားနဲ့ပဲ အကြမ်းဖျဉ်း တိုင်း တာရရှိမယ် ထင်ပါတယ်။ ဈေး(သို့မဟုတ်) လူမှုနိုင်ငံရေးတစ်ခေတ်ရဲ့ ပြဒါးတိုင်။

ကမ္ဘာ့သမိုင်းမှာ စီမံကိန်းစီးပွားရေးစနစ်ဆိုပြီး ဈေးကွက်ကိုသင်းကွပ်ခဲ့ကြတဲ့ နိုင်ငံရေးခေါင်းဆောင် အများအပြားလည်း ပေါ်ထွန်းလာ ဖူးရဲ့။ ဒီစမ်းသပ်ကာလအတွင်းမှာပဲ ဧကအုပ်ချုပ်ရေးသရဖူတွေ တစ်ခုပြီးတစ်ခု လွင့်စဉ်ကုန်ကြ။ ဆိုဗီယက်အင်ပါရာအဟောင်းနဲ့ တ ခြား ကြယ်ရံ နိုင်ငံတွေဟာ ထင်ရှားလှတဲ့ သာဓကတွေ ပါဘဲ။ ဧက၀ါဒစွဲ ပြင်းပြလှတဲ့၊ လက်ချိုးလို့တောင်ရေတွက်နိုင်လောက်တော့တဲ့ နိုင်ငံတွေတောင် ကျယ်ကျယ် လောင်လောင် အော်နေကြပြန်ပြီ။ “ဆိုရှယ်လစ် ဈေးကွက်စီးပွားရေးစနစ်”တဲ့။ ဥပမာဆောင်ရရင်တော့ တ ရုတ်၊ ဗီယက်နမ်နဲ့ ကျူးဘား။

ယနေ့ခေတ် နိုင်ငံရေးဗေဒဝေါဟာရ infrastructure [မတ်ဝါဒီတွေကတော့ Economic base လို့ ပညတ်ရဲ့] ဆိုတဲ့ အောက်ခြေအ ဆောက်အအုံနဲ့ ဧကစနစ်တို့ရဲ့ ထိပ်တိုက်ဆောင့်မှုဟာ ကြာသပတေးဂြိုဟ်နဲ့ ရှူးမိတ်ကာ လီဗီ-၉ ကြယ်တံခွန်တို့ရဲ့ စီးချင်းထိုးပွဲလိုပဲ ကြည့်ကောင်းလှတဲ့ ပွဲတစ်ပွဲဖြစ်ပါတယ်။ ဘောဂဗေဒ ပေတံဟောင်းတွေ၊ သီဝရီအဟောင်းတွေကို စွန့်ပစ်လိုက်ရမှာလား။ ဖာထေး ကော် ကပ် သုံးလို့ရဦးမှာလား။ အနာဂတ်သမိုင်း တစ်ကွေ့မှာ အဖြေရှာတွေ့ကြမှာပါ။ ဒါဆိုရင် ဈေးကွက်စီးပွားရေးစနစ် ကိုယ်တိုင်က ရော ပြီးပြည့်စုံသော အမှန်တရားလား။ ဘယ်သူတွေကမျှ အာမမခံရဲပါဘူး ထင်ပါတယ်။ ဒါပေမယ့် ဈေးကွက်စီးပွားရေးစနစ်ကို ဖျက် သိမ်းပစ် လို့ မရဘူးဆိုတာတော့ အားလုံးလက်တွေ့ကျကျ သိရှိကုန်ကြပါပြီ။ဈေးကွက်ကို ဘယ်အတိုင်းအတာအထိ ယဉ်ပါးအောင် လုပ် ဆောင်သင့် သလဲ။ ဒီဲပြဿနာကတော့ နှစ်ဆယ့်တစ်ရာစုတံခါးကို တစ်ဒေါက်ဒေါက် ခေါက်နေပြီပေါ့။ ထားတော့။

ဈေးကွက်စီးပွားရေးစနစ်ရဲ့ အမေရိကန် ကဗျာတစ်ပုဒ်အပေါ် ထင်ဟပ်ချက်တစ်ရပ်ကို လေ့လာကြရအောင်။ 

(၂)
A Fox
Down in the Jersey woods
a fox considered our progress.
A shopping center cleared its throat,
a truck buckled and evaporated.
Several tree frogs leapt out
of a thirteen-century monastery
but were not injured.
A salesperson declared that
everything must go : the fox
said, "Never."The clerk
started sweeping the aisles.
On the road to the beyond
the inhabitants are at
our disposal, cooking and cooking.

James Tate
(The New Yorker, June 14, 1993.)

(၃)
ဈေးကွက်နဲ့ ဈေးဝယ်ထွက်ခြင်းဆိုတာကလည်း ဒင်္ဂါးတစ်ပြားရဲ့ ခေါင်းနဲ့ပန်းပါ။ ရောင်းလိုအားနဲ့ ၀ယ်လိုအားတို့ ညီညွတ်မျှတမှသာ နိုင်ငံ တစ်နိုင်ငံ စည်ပင်ဝပြောတယ်လို့ အဆိုရှိပါတယ်။ မ၀ယ်နိုင်သူတွေက ခြေအေး ၀မ်းရောင်၊ ထရံကွာသံစူးလောက်အောင် မမြင်ဖူး တာတွေ လှည့်လည်ကြည့်ရှုကြ။ တျွန်တော်တို့နိုင်ငံက လူချမ်းသာ စာရင်းဝင်သူတွေ ကမ္ဘာနဲ့ရင်ပေါင်တန်းပြီး ဥရောပကို မဟုတ်တာ တောင် ထိုင်း နဲ့ စင်္ကာပူမှာ ဈေးဝယ်ထွက်ကြပြီ။ Shopping ဆိုတာ ယနေ့ခေတ်ရဲ့ ဖက်ရှင်တစ်ရပ်ပါဘဲ။ သွားလေသူ ဖိလစ်ပိုင် သမ္မတ ကတော် ဟောင်း အီမယ်လ်ဒါ မားကို့စ်တောင် ဘုန်းမီးနေလတောက်ပစဉ်က လေယာဉ်စင်းလုံးငှားပြီး ဈေးဝယ်ထွက်သတဲ့။

ကျွန်တော် မြေခွေးတစ်ကောင် ဈေးဝယ်ထွက်ဖို့စဉ်းစားတဲ့ ကဗျာကိုဖတ်မိတော့ အိန္ဒိယ၀တ္ထုရှည်တစ်ပုဒ်ကို အမှတ်ရမိတယ်။ Christian Chandra ရဲ့ "Mr. Ass Comes to Town"။ မြိုကပြရဲ့မာယာ။ အရင်းရှင်စနစ်ရဲ့ အဆီ အငေါ်မတည့်တာကို သရော်ထားတဲ့ စာတစ်ပုဒ်ပါ။ ဖတ်ခဲ့ရတာ ဆယ်စုကာလကျော်လောက်တောင် ရှိနေပေါ့။

ဂျိမ်းစ်တိတ်ရဲ့ လေ့လာရေးခရီးသည်ဟာ မြေခွေးပါ။ ဘာကြောင့် အခြားတောရိုင်းတိရစ္ဆာန်တစ်ကောင်ကို ဇာတ် ဆောင်မထားပဲ မြေခွေး ကိုရွေးခဲ့တာလဲ။ အကြောင်းရှိတယ်။ မြေခွေးဆိုတာ အရိုင်းပါ။ စဉ်းလဲကောက်ကျစ်မှုရဲ့ သင်္ကေတတစ်ရပ်ပါ ။ ဒါဟာ လူမျိုး တစ်မျိုး ၊ နိုင်ငံတစ်နိုင်ငံတည်းက သတ်မှတ်ထားတဲ့ နိမိတ်ပုံ မဟုတ်ပါဘူး ။ နိုင်ငံ တကာ သတ်မှတ်ချက် ။

ကဗျာမှာ နယူးဂျာဆီပြည်နယ် တောအုပ်ထဲက မြေခွေးတစ်ကောင် လူ့ယဉ်ကျေးမှု တိုးတက်ပုံအကြောင်း စဉ်းစားတာနဲ့ စထားပါတယ် ။ မြေခွေးဟာ အိမ်ယာတိုက်တာတွေ ခမ်းနားထယ်ဝါပုံအကြောင်း မတွေးဘူး။ ဟိုတယ်တွေ၊ အင်းတွေမှာ ၀င်ထွက်သွားလာနေကြတဲ့ နိုင် ငံခြားသားတွေအကြောင်း မတွေးဘူး။ လမ်းတံတား တွေ တည်ဆောက်ပြုပြင်နေတဲ့အကြောင်းလည်း မတွေးဘူး။ ပန်းခြံတွေ စည်ကား စိမ်းလန်းနေတာကိုလည်း မတွေးမိပါဘူး ။ အရိုင်းဆိုပေမယ့် ဈေးကိုပဲ အတွေးဖြန့်ကြက်လိုက်တယ် ။

အဲဒိအခါ ဈေးတစ်ဈေး လည်ချောင်းရှင်းသံကို ကြားလိုက်ရတယ် ။ ဘာတွေထွက်လာကြမလဲ ။ ချွဲသလိပ်တွေ ၊ တံတွေးတွေ၊ ရောဂါပိုး မွှားတွေ ထွက်မလာကြပါဘူး။ ကုန်စည်ပစ္စည်းတွေပါဘဲ။ ကုန်စည်စီးဆင်း လည်ပတ်မြန် ဆန်တာဟာ ဈေးကွက်စီးပွားရေးစနစ်ရဲ့ အ ပေါင်းလက္ခဏာပါ။ ကုန်ကားတွေ မောင်းထွက်သွားကြတယ်။  အမြန်နှုန်းတစ်ခုနဲ့။ ပြီးတော့ လှစ်ကနဲပျောက်သွား။ လျှင်မြန်စွာ ပျောက် ကွယ်သွားတာကိုတောင် evaporated ဆိုတဲ့ စကားလုံး သုံးပြသွားတယ် ။ စကားလုံး ပဉ္စလက်ကိုက ချစ်စရာ။

ဈေးကွက်စီးပွားရေးစနစ်မှာတော့ အားလုံးဟာ (လူတွေအပါအ၀င်) ကုန်စည်တွေပါဘဲ ။ လွန်ခဲ့တဲ့ နှစ်ပေါင်း ၇၀၀ ကျော်လောက်က ဘုန်းကြီးကျောင်းနဲ့ အဲဒိကျောင်းထဲက ခုန်ထွက်လာကြတဲ့ ဖားပျံကလေးတွေတောင် ရောင်းကုန် ဖြစ်သွားကြပါပြီ ။ စားလို့ရတာ ၊ သုံး လို့ရတာ ၊ ၀ယ်လို့ရတာ အကုန်ရောင်းကြ ။

ဈေးသည်ကတော့ sale promotion လုပ်နေတယ်။ လူသုံးကုန်ပစ္စည်းအားလုံး အရောင်းသွက်စေရမယ်တဲ့။ မေ တ္တာလက်ဆောင်၊ ကံစမ်း မဲများနဲ့ နိုင်ငံခြားခရီးစဉ်မက်လုံးများစွာနဲ့။ ဥာဏ်များကောက်ကျစ်လှတဲ့ မြေခွေး တောင် အူကြောင်ကြောင် ဖြစ်သွားမိတယ်။ အရိုင်းဆို တော့ ခေတ်မမီဘူး ထင်ပ။ “မဖြစ်နိုင်တာတဲ့။”

အရောင်းစာရေးတစ်ယောက်ကတော့ ဆိုင်ကောင်တာချောင်ကြိုချောင်ကြားမကျန် လှည်းကျင်းရောင်းထုတ် လိုက်ပြီလေ။ ဒီတစ်ခါတော့ ဥာဏ်များကောက်ကျစ်တယ်ဆိုတဲ့ မြေခွေးတောင် ခံစားသွားရရှာပါပြီ။ အရောင်း သွက်လာ လေလေ၊ အမှိုက်ပုံတွေလည်း မြင့်တက်မို့ မောက် လာလေလေပါဘဲ။ စည်သွပ်ဘူးခွံတွေ၊ ကြွပ် ကြွပ်အိတ်ခွံတွေ၊ ကဒ်စက္ကူဘူးခွံတွေ၊ ဘက်ထီးရီးယားပိုးပွားသလို စုပုံများလာကြ။ အမှိုက်တွေ။ ပစ္စည်းအမှိုက် တင်မက လူ့အမှိုက်တွေ။         

အမှိုက်ရှိရာကို အမှိုက်တွေပဲ လာတတ်စမြဲပါ။ အမှိုက်ပုံထဲက စားကြွင်းစားကျန်တွေကို ထိုးဆွရှာဖွေ စား သောက်ကြ။ ဒါကို မျက်ကွယ်ပြုထားလို့ ရနိုင်ပါမလား။ လမ်းရဲ့ခတ်လှမ်းလှမ်း အခြားဘက်မှာ ဈေးထဲက စွန့် ပစ်ထားတဲ့ အမှိုက်တွေနဲ့ လူတစ်သိုက်။ အိမ်ခြေမဲ့သူ တွေ။ ဈေးကွက်စီးပွားရေးရဲ့ အနိဌာရုံတွေ။ ချက်ကြ ပြုတ် ကြ စားသောက်ကြနဲ့။

ဒါကို ချားလ်စ် ဒါဝင်မိန့်ဆိုသလို survival of the fittest ဆိုပြီး“တော်သူနေ ၊ မတော်သူသွား”သဘောမျိုး ထားရက်နိုင်ကြမလား။ ဒါ ကြောင့် ဈေးကွက်ကို ဘယ်လိုလုပ်ကြမလဲဆိုတာဟာ နောင်လာမယ့် နှစ်ဆယ့်တစ် ရာစု ရဲ့ အကြီးမားဆုံး ပြဿနာလို့ ညွှန်းဆိုမိ ပါ ကြောင်း။

(၄)
ဂျာဆီတောအုပ်က ဆင်းလာ
မြေခွေးတစ်ကောင်က ငါတို့တိုးတက်မှုကို တွေးလေရဲ့
ဈေးတစ်ဈေး လည်ချောင်းရှင်းလိုက်တယ်
ကုန်ကားတစ်စင်း မောင်းထွက် ပျောက်ကွယ်သွား ။
ဖားပျံတွေ ခုန်ပေါက်ထွက်လာကြ
တစ်ဆယ့်သုံးရာစု ဘုန်းကြီးကျောင်းထဲက
ဘာမျှ နာစရာမရှိ ။  
ဈေးသည်က ဖွင့်ပြောတယ်
အားလုံးအရောင်းရ စွံရမယ်တဲ့ ။ မြေခွေးက
“မဖြစ်နိုင်တာ ။” အရောင်းစာရေးတစ်ယောက်
ချောင်ကြိုချောင်ကြားတွေ စလှည်းတယ် ။
လမ်းရဲ့ခတ်လှမ်းလှမ်း
အိမ်ခြေမဲ့သူတို့
အမှိုက်ပုံမှာ ချက်လိုက်ကြ ၊ ပြုတ်လိုက်ကြ ။

                                           ဂျိမ်းမ်စ် တိတ် 
 သစ်စိုး

ရနံ့သစ် မဂ္ဂဇင်း ၊ အမှတ် ၃၅
ဇူလိုင်လ ၊ ၁၉၉၅ ခုနှစ် ။

မီးခိုးမထွက်တဲ့ စက်ရုံလေးတစ်ရုံလေးတစ်ရုံ

ကျော်သူ့
မင်းကိုဖွင့်မယ့်သော့ ငါ့ဆီမှာရှိတယ်ဆိုပြီး
ငါ့ဆီဖုန်းတွေလာတယ်
တို့အီမ်ရှေ့က ဇီးပင်ကြီးကလည်း
ငါရောက်တိုင်း မင်းကိုမေးနေပြီ
မကြီးကိုလည်း ကျောင်းဆင်းခေါင်းလောင်းမှာ
မင်းအတွက် တစ်ချက်ပိုဆွဲဖို့ငါမှာထားတယ်
ဒီက မင်းဖောက်ယူသွားတဲ့တင်းနစ်ကွင်းလေးကို
ဒီအတိုင်းထားလား
ကွန်ပျူတာဂိမ်း ဆောက်လိုက်လား
ပြတိုက်ဆောက်ပစ်လိုက်လား
အရမ်းလည်း မီးခီုးထွက်မနေနဲ့ဦး
ရှင်းရှင်းပြောရရင်
မက ဘဲနဲ့တော့
အရုပ်တွေကို ကြိုးရှုပ်မခံနဲ့သူငယ်ချင်း
ကျော်ထူးကသူ့ရည်ရွယ်ချက်ကလေးတစ်ခုကိုထမ်းလို့
မင်းယက်လို့ မပြီးစီးသေးတဲ့
မြက်ဦးထုပ်လေးကို ဆက်ယက်နေတယ်
ကြီးကြီးကလည်း
သူ့အပေါ်အကျီ်င်္လေးကိုပင့်တင်
တို့လိပ်စာတွေယူသွားပြီး
သူ့အိမ်နံပါတ် ပြန်ပေးဖို့တော့
မေ့လျော့သွားတယ်ထင်တယ်
ိသိပ်ပြီးနွမ်းနယ်တဲ့အခါ
မင်းဦးခေါင်းနဲ့တိုးဝင်ပစ်ဖို့
ရင်ခွင်တစ်ခြမ်း ပဲ့သွားတာကိုတော့
အစ်ကိုလည်း စိတ်မကောင်းဘူး ငါ့ညီ။

တကယ်တော့
မင်းဟာ ရွှေတူးသွားတာမဟုတ်ပါဘူး
မေ့ကျန်ခဲ့တဲ့ မင်းပစ္စည်းကို
ပြန်သွားယူတာလို့ ငါထင်တယ်
မုတ်ဆိတ်တွေ မှန်မှန်ရိတ်ပါ
ရောက်တဲ့ နှိုင်ငံကအလံကိုအလေးပြုပါ
နိုင်ငံတကာသတင်းတွေလည်းဖတ်ပါ
မင်းပြန်ရောက်တဲ့အခါ
မင်းနဲ့ ယိုဟန်ဂေါက် (ဂျာမနီ)ကို
စစ်တုရင် တစ်ပွဲထိုးဖို့
ညွှန့်ဝေတို့ သရက်တောမှာ
ဆရာဥိးစန်းယုကချိန်းထားလိုက်ပြီ

မြိုင်ချောင်က အိမ်ကြောင်များကိုတောကြောင်လုပ်မယ်
လပွတ္တလုပ်ရေတံခါးပေါ်မှာ
အမည်မပေးရသေးတဲ့ ပျော်ပွဲစားလေးရှိတယ်
ထုံးစံအတိုင်း
ငါ့ရဲ့လေးတင်ပွဲမှာတော့ မင်ုးကိုရှိစေချှင်တယ်
ဒါပေမယ့်
လေးရော မြားပါငါ့လက်ထဲမရှိသေးဘူး
ဒီကြားထဲပြူးကျယ်က
သူမက်တဲ့ အိမ်မက်ကို
ငါ့ကို ဆက်ပြောခိုင်းနေတယ်.....ဟေ့ရောင်..။


မဟာအလက်ဇန္ဒားဆိုတဲ့ ဂရိသားကြီးဟာ
သူ့ခေါင်းအုံးအောက်မှာ
ဟိုးမားရဲ့ ကဗျာတစ်အုပ်ရယ်
သူ့ဘေးမှာတော့
ွှတိုက်ပွဲဝင် ဓားတစ်လက်ထားအိပ်တယ်ဆိုဘဲ...
မင်းကတော့
ရတနာသုံးပါးကို ခေါင်းအုံးပြီး
နံဘေးမှာတော့
အနန္တောအနန္တငါးပါးကိုထားအိပ်ပေးဖို့
မင်းသိတဲ့ အတိုင်းထပ်သိလိုက်ပါ။


သူရနီ
(ရနံ့သစ်မဂ္ဂဇင်း)